BMT-nin Baş katibi Antoniu Quterreş Donald Trampı ABŞ prezidentliyinə seçkilərdə qələbə qazanması münasibətilə təbrik edib.
“Report” xəbər verir ki, bu barədə Quterreşin ofisi bəyanat yayıb.
“BMT dünyanın üzləşdiyi ciddi çağırışlara cavab vermək üçün yeni administrasiya ilə konstruktiv işləməyə hazırdır”, - bəyanatda vurğulanıb.
Qeyd edək ki, Respublikaçıların prezidentliyə namizədi Donald Tramp nümayəndələrin 277 səsini alaraq, Amerika Birləşmiş Ştatlarının 47-ci prezidenti seçilib.
