“Böyük Britaniyanın Moskvadakı səfirliyindəki diplomatlar rus xalqına zərər vurmaq məqsədi daşıyan hərəkətlərə cəlb olunublar”.

Bizimyol.info xəbər verir ki, Rusiya Federasiyası Xarici İşlər Nazirliyinin sözçüsü Mariya Zaxarova ölkə mətbuatına bildirib ki, onların fəaliyyəti Vyana Konvensiyalarının hüdudlarından xeyli kənara çıxıb.

“Rusiya Füderal Təhlükəsizlik Xidmətinin (FTX) britaniyalı diplomatların fəaliyyəti ilə bağlı verdiyi qiymətləndirmələri tamamilə bölüşürük. Böyük Britaniya səfirliyi Vyana konvensiyalarında nəzərdə tutulan sərhədləri çox-çox kənara çıxar. Amma ən əsası odur ki, söhbət təkcə məsələnin formal tərəfindən və bəyan edilən fəaliyyətə əməl edilməməsindən deyil, xalqımıza ziyan vurmağa yönəlmiş oxşar hərəkətlərdən gedir”, - deyə Zaxarova vurğulayıb.

Bundan əvvəl Rusiya FTX-nin İctimaiyyətlə Əlaqələr Mərkəzi məlumat vermişdi ki, Böyük Britaniyanın Moskvadakı səfirliyinin siyasi şöbəsinin altı əməkdaşının akkreditasiyası dayandırılıb, onların əməllərində kəşfiyyat və təxribat işlərinin izləri aşkarlanıb.

Rusiya Federal Təhlükəsizlik Xidmətinin Mərkəzi Seçki Komissiyasının yaydığı bəyanatda deyilir ki, sənədli materiallar Böyük Britaniyanın beynəlxalq hərbi-siyasi vəziyyətin gərginləşməsini koordinasiya etdiyini, Rusiya istiqamətində təxribatçı siyasətin əlaqələndiricisinin isə Rusiyaya Federasiyasına strateji məğlubiyyət vermək üçün xüsusi xidmətə çevrilmiş Böyük Britaniya Xarici İşlər Nazirliyinin Şərqi Avropa Direktorluğu olduğunu göstərir.

Qadir, Bizimyol.info