Avropa Birliyiı (AB) Ankaranın birliyə üzv olmaq istəyəcəyi təqdirdə Türkiyəyə anti-Rusiya sanksiyalarına qoşulmağın vacibliyini açıq şəkildə vurğulayır.

Bizimyol.info xəbər verir ki, bunu Rusiyanın xarici işlər naziri Sergey Lavrov "RBC"yə müsahibəsində Türkiyənin BRİKS-ə qoşulmaq istəyini şərh edərkən deyib.

“Türkiyəyə gəlincə, NATO üzvləri susur. Amerikalılar, fikrimcə, bunun (BRİKS-ə üzv olmaq istəyinin) NATO-ya üzvlüyü ilə bir araya sığmır. Avropa Komissiyasının nümayəndəsi daha səmimi danışdı. Onun sözlərinə görə, Türkiyə başa düşməlidir ki, Avropa İttifaqına daxil olmaq BRİKS-ə üzvlüklə uyğun deyil və əksinə. AB-yə namizədlər Ümumi Xarici və Təhlükəsizlik Siyasətinə riayət etməlidirlər. Bu, Türkiyə Avropa Birliyinə üzv olmaq istəsə, anti-Rusiya sanksiyalarına qoşulmağın bariz göstəricisidir”, - deyə nazir qeyd edib.

Diplomatik departamentin rəhbəri onu da diqqətə çatdırıb ki, ötən il Yohannesburqda keçirilən BRİKS sammitində xarici işlər nazirlərinə və ekspertlərə BRICS tədbirlərinə dəvət olunmuş həmkarların yeni kateqoriyasına – “tərəfdaş ölkələrə” şamil olunacaq meyarlar üzrə tövsiyələr hazırlamaq tapşırılması barədə qərar qəbul edilib.

“Biz hazırda bunun üzərində fəal işləyirik. Bu cür tövsiyələr oktyabrda Kazanda keçiriləcək BRİKS sammitində təqdim edilməlidir. Biz BRİKS üzvləri və bu assosiasiya ilə işləməyə artan maraq göstərən ölkələr arasında münasibətlərin nizama salınmasına ehtiyac hiss edirik. Onların sayı artıq 30-dan çoxdur. Bu, çoxqütblülüyün əsl əksidir”, - deyə Lavrov qeyd edib.

Qadir, Bizimyol.info