Respublikaçılar Partiyasından prezidentliyə namizəd Donald Tramp ABŞ-da keçirilən seçkilərdə qalib gələcəyi təqdirdə Rusiya prezidenti Vladimir Putinlə yenidən anlaşacağına ümid etdiyini bildirib.

Bizimyol.info xəbər verir ki, bu barədə, Tramp bazar ertəsi "X" sosial platformasının sahibi İlon Maskala söhbətində deyib.

"Ümid edirəm ki, onunla yenidən anlaşarıq. Bilirsən, onunla barışmaq pis deyil, yaxşı bir iş olardı", - deyə Tramp söhbət zamanı qeyd edib.

Siyasətçi həmçinin bildirib ki, Rusiya lideri “yaxşı danışıq aparan”dır, indiki Amerika prezidenti Co Bayden isə “aşağı IQ” səviyyəsinə malikdir və Ukraynanın NATO-ya üzv ola biləcəyini etiraf edərkən cəfəngiyyat deyib.

Trampın sözlərinə görə, indi heç kim ABŞ-a hörmət etmir.“Ölkəmiz hazırda çox pis vəziyyətdədir”, - deyə keçmiş pirezident bəyan edib ki, o, həmin vaxt ABŞ dövlətinin rəhbəri olsaydı Ukraynada və Qəzza zolağında münaqişələr baş verməyəcəkdi.

Qadir, Bizimyol.info