"ABŞ və müttəfiqləri İranın sülhməramlı nüvə proqramı ətrafında böhran uydurdular; Tehranın müdafiə doktrinasında nüvə silahından istifadə nəzərdə tutulmur".

Bizimyol.info xəbər verir ki, bunu respublikanın yeni seçilmiş prezidenti Məsud Pezeşkian deyib.

“Birləşmiş Ştatlar və onun Qərb müttəfiqləri öz kəşfiyyat icmalarının qiymətləndirmələrinə zidd olaraq, İranın dinc nüvə proqramı ilə bağlı böhran uydurmaq üçün nüvə silahının yayılmaması rejimindən qəsdən istifadə ediblər və xalqımıza təzyiq göstərmək üçün bundan istifadə edirlər”, - deyə prezident "Tehran Times" qəzetində dünya ictimaiyyətinə ünvanladığı məqalədə yazıb. O əlavə edib ki, Birləşmiş Ştatlar eyni zamanda “İsrailin nüvə arsenalını dəstəkləməklə” Tehrana qarşı belə bir siyasət yürüdür.

“Mən vurğulamaq istəyirəm ki, İsrailin müdafiə doktrinasında nüvə silahı ilə bağlı müddəalar yoxdur və mən ABŞ-ı keçmiş səhvlərdən dərs almağa və siyasətini buna uyğun düzəltməyə çağırıram. Vaşinqtonda məsul şəxslər etiraf etməlidirlər ki, region ölkələrini bir-birinə qarşı qoymaq uğurlu siyasət deyil və onların istəkləri baş tutmayacaq. Onlar bu reallıqla barışmalı və mövcud problemli məsələlərin kəskinləşməsindən çəkinməlidirlər”, - deyə Pezeşkian əlavə edib.

İyulun 5-də İranda dövlət başçısı İbrahim Rəisinin ölümündən sonra təyin edilmiş növbədənkənar prezident seçkilərinin ikinci turu keçirilib. İslahatçılar qanadının namizədi, keçmiş səhiyyə naziri Məsud Pezeşkian 53,6% səslə qalib gəlib. Mühafizəkar Səid Cəlili 44,3% səs toplayıb.

Seçilmiş prezidentin andiçmə mərasimi iyulun 30-da baş tutacaq.

Qadir, Bizimyol.info