Covanni van Bronkxorstla baş məşqçi problemini həll edən "Beşiktaş" ilk transfer cəhdini edib.
Bizimyol.info xəbər verir ki, Portuqaliyanın “A Bola” qəzetində yer alan xəbərə görə, “ağ-qaralar” “Qarabağ” komandasında çıxış edən Leandro Andrade üçün cəhdlər etməyə başlayıb. Portuqal əsilli yarımmüdafiəçinin meneceri ilə danışıqlarda irəliləyiş əldə edən "Beşiktaş" Azərbaycan klubu ilə də danışıqlara başlayıb.
Xəbərdə ağ-qara klubun Andrade üçün şərtləri irəli sürəcəyi, Portuqaliya əsilli futbolçunun da 4 milyon avroluq sərbəst qalma haqqını qarşılaya biləcəyi bildirilib.
Ötən mövsüm çempionluq qazanan Azərbaycan yığmasının heyətində 11 qol vuran Leandro Andradenin "Qarabağ"la 2027-ci ilin iyununa qədər müqaviləsi var. 24 yaşlı yarımmüdafiəçi CIES tərəfindən Azərbaycan Liqasında mövsümün ən təsirli oyunçusu seçildikdən sonra Türkiyə və Rusiya klublarının diqqətini çəkib.
Qadir, Bizimyol.info
