İran Rusiya ilə 12 ədəd "Mi-17" helikopterinin alınması üçün müqavilə imzalayıb ki, bu da İran Qızıl Aypara Cəmiyyətinə xidmət göstərəcək.

Bizimyol.info xəbər verir ki, "Avio News"un məlumatına görə, sövdələşmənin dəyəri təxminən 500 milyon dollar olacaq. Dövlətə məxsus “Rus Helicopters” şirkəti ilk dörd təyyarəni 2025-ci ilin martına qədər təhvil verə bilər.

İndi müqavilə İranın Sənaye Nazirliyi ilə hələ razılaşdırılmayıb. Yeni helikopterlər zəif görmə şəraitində uçmağa imkan verən gecəgörmə sistemləri ilə təchiz ediləcək. Helikopterlərin tədarükü ilə bağlı müqavilə İran prezidentinin, Xarici İşlər Nazirliyinin rəhbərinin və onları müşayiət edənlərin həlak olduğu helikopter qəzasından bir neçə gün sonra imzalanıb.

Mayın 19-da İranın şimal-qərbində Amerika istehsalı olan "Bell-212" helikopteri qəzaya uğrayıb.

Qadir, Bizimyol.info