Ölkələr arasında münaqişə fonunda məsləhətləşmələr üçün öz ölkəsinə geri çağırılan Braziliyanın İsraildəki səfiri Tel-Əvivə qayıtmayacaq.

Bizimyol.info xəbər verir ki, bu barədə Braziliya prezidentinin beynəlxalq məsələlər üzrə xüsusi nümayəndəsi Selso Amorim məlumat verib.

“Başqasının gedəcəyini bilmirəm, amma o, geri qayıtmayacaq. O, şəxsən alçaldıldı və nəticədə Braziliya təhqir olundu. Məqsəd Braziliyanı aşağılamaq idi”, - deyə "G1" portalı dövlət başçısının köməkçisinin sözlərini sitat gətirir.

Braziliya prezidenti Luiz İnasio Lula da Silva fevralın 18-də bildirib ki, İsrailin Qəzza zolağını bombalaması nəticəsində dinc əhalinin kütləvi şəkildə öldürülməsi mahiyyət etibarı ilə Adolf Hitlerin yəhudilərə qarşı cinayətləri ilə müqayisə oluna bilər. İsrailin baş naziri Benyamin Netanyahu həmin gün Braziliya prezidentinin sözlərini “ciddi və biabırçı” adlandırıb və bildirib ki, o, xarici işlər naziri İsrael Qatz ilə birlikdə Braziliyanın İsraildəki səfirini “ciddi təmsilçilik” üçün dərhal çağırmağa qərar verib.

Bundan sonra Braziliya respublikanın İsraildəki səfirini məsləhətləşmələr üçün geri çağırıb.

Qadir, Bizimyol.info