Birləşmiş Ştatlar Vaşinqtonun İrəvana dəstəyi gücləndirmək üçün hansı addımlar ata biləcəyini müəyyən etmək üçün Ermənistandan gələn “bir sıra sorğuları” nəzərdən keçirir.

Bizimyol.info xəbər verir ki, bu barədə çərşənbə günü ABŞ dövlət katibi Entoni Blinken açıqlama verib.

“Biz Ermənistanla dəstəyimizi və əməkdaşlığımızı gücləndirmək üçün daha nə edə biləcəyimizi müəyyən etmək üçün Ermənistandan gələn bir sıra sorğuları nəzərdən keçiririk”, - deyə Amerika diplomatiyasının rəhbəri ABŞ Konqresinin Nümayəndələr Palatasının Xarici Əlaqələr Komitəsində keçirilən dinləmələrdə heç bir detala varmadan bildirib.

Eyni zamanda, Blinken xatırladıb ki, aprelin əvvəlində onun Avropa Komissiyasının rəhbəri Ursula fon der Leyen və Ermənistanın baş naziri Nikol Paşinyanla Brüsseldə birgə görüşü baş tutub. Xarici siyasət idarəsinin rəhbərinin sözlərinə görə, bu məsləhətləşmələr məhz ABŞ və Aİ-nin “Ermənistanı dəstəkləmək üçün daha nə edə biləcəyini” öyrənmək məqsədilə aparılıb: "Və biz bir sıra siyasi əlaqələrimizi daha genişləndirəcək, müxtəlif sahələr üzrə münasibətlərdə daha da irəliləyəcəyik", - deyə Blinken heç bir konkret məlumat vermədən söz verdi.

Dövlət katibi Azərbaycan və Ermənistanın sülh müqaviləsi imzalayacağına da ümid etdiyini bildirib.

Qadir, Bizimyol.info