Böyük Britaniyanın Baş naziri Rişi Sunak iyulun 4-də növbədənkənar parlament seçkilərinin keçiriləcəyini açıqlayıb.
APA xəbər verir ki, Sunak parlamenti buraxmaq və seçki keçirmək üçün kral III Karldan icazə aldığını bildirib.
"İndi Britaniyanın öz gələcəyini seçmək vaxtıdır. Bu gün Əlahəzrət Kral III Karlla danışığımda ondan parlamentin buraxılmasını xahiş etdim. Kral bu istəyimi yerinə yetirdi və biz iyulun 4-də ümumi seçki keçirəcəyik", - Sunak vurğulayıb.
