Alimlər süni intellektin xərçəng tədqiqatlarında ümid ola biləcəyini aşkar ediblər. 32 müxtəlif potensial xərçəng dərmanı süni intellektlə sintez edilib.

Bizimyol.info "webtekno"ya istinadən xəbər verir ki, xərçəng müalicəsi ilə bağlı başa düşülməli olan şeylərdən biri də hər bir xərçəng daşıyıcısının müəyyən dərəcədə unikal olmasıdır.

Xərçəngə səbəb olan mutasiyalar və bu mutasiyaların meydana gəldiyi bölgələr məlum olsa belə, insanların genetik quruluşlarındakı fərqliliklər onların hər dərmana fərqli reaksiya vermələrinə səbəb ola bilər. Yeni bir araşdırma bu baxımdan xəstələrə ümid verir.

Alimlər tərəfindən hazırlanmış yeni süni intellekt alqoritmi dərmanların inkişafının ilkin mərhələlərindən mürəkkəb kimyəvi modellərin yaradılmasında uğur qazanıb. Süni intellekt normal şəraitdə minlərlə təcrübə tələb edən bu prosesi optimallaşdıra bilər.

"POLYGON" adlı süni intellekt alqoritmi ilə hazırlanan dərmanların ən əhəmiyyətli xüsusiyyəti, birdən çox hədəfi olan molekulları tanıya bilmələridir. Başqa sözlə desək, bu dərmanlar müxtəlif yerlərdə yaranmış və ya metastaz vermiş xərçəng strukturlarını eyni vaxtda məhv etmək potensialına malikdir.

Araşdırmanın aparıcı müəllifi Trey İdeker: “Yeni bir dərman tapmaq və inkişaf etdirmək uzun illər və milyonlarla dollar tələb edir, xüsusən də bir çox hədəfi olan bir dərmandan danışırıqsa. Bizim əlimizdə olan bir neçə nadir çoxməqsədli dərmanlar əsasən təsadüfən kəşf edilib, lakin bu yeni texnologiya tənlikdən uzaqlaşmağa və yeni nəsil dəqiq tibbin başlanğıcını qoymağa kömək edə bilər", - deyə bildirib.

Milyarlarla bioaktiv molekulun kimyəvi xassələri və onların hədəf zülallarla qarşılıqlı əlaqəsi haqqında məlumatlar verilmiş süni intellekt bunun əsasında orijinal kimyəvi düsturlar yarada bilər. Bunun üçün sadəcə qarşılıqlı əlaqənin necə olacağını söyləmək kifayətdir.

Bu araşdırma nəticəsində "POLYGON" mobil siqnal zülalları "MEK1" və "mTOR" ilə əla qarşılıqlı təsir göstərən 32 xərçəng dərmanı tapmağı bacarıb. Hər iki struktur basdırılırsa, xərçəng hüceyrələri ölür. Görünür, süni intellekt bu sahədə də inqilaba hazırlaşır. Tədqiqat "Nature Communications" jurnalında dərc olunub.

Qadir, Bizimyol.info