"Ukraynadakı müharibə boyu Qərb ona dəstək verməkdə çox ehtiyatlı davrandı. Amma əvvəllər yardım göstərilsəydi, vəziyyət başqa cür də ola bilərdi".

Bizimyol.info xəbər verir ki, bunu Çex Respublikasınin prezidenti Petr Pavel "ARD" telekanalına müsahibəsində deyib.

“Mən deməzdim ki, Qərb ümidini itirib, lakin Ukraynadakı müharibə boyu Qərb ona dəstək verməkdə çox ehtiyatlı olub. O, əvvəldən münaqişənin böyüməsinin qarşısını almağa çalışırdı. Hər bir yeni mərhələ nəhayət həyata keçirilməzdən əvvəl uzun müddət müzakirə edildi. Əgər biz bu müzakirə və risklərin qiymətləndirilməsi dövrünü düzgün dəyərləndirə bilsəydik, Ukrayna bu yardımı bir neçə ay, bəlkə də illər əvvəl ala bilərdi və vəziyyət fərqli ola bilərdi. Biz keçmişdən dərs almalı və Ukraynanın ərazilərini və insanlarını daha çox itirməsinin qarşısını almaq üçün indi mümkün qədər tez və sürətli yardımlar etməliyik”, - deyə o vurğulayıb.

Çexiya prezidentinin sözlərinə görə, müharibələrin necə yarandığını xatırlamağa dəyər, çünki İkinci Dünya Müharibəsinin mənşəyi ilə Ukrayna müharibəsi arasında çoxlu paralellər var. O, sərhədyanı ərazilərdə yaşayan alman azlığının Hitlerin işğalı üçün “bəhanə” rolunu oynadığı Çexoslovakiya nümunəsini xatırladıb. Rusiya və Ukrayna məsələsində şərqdəki “rusdilli azlıq” “bəhanə” adlandırıldı.

“Və bu yaxınlarda Rusiya ilə davrandığımız kimi, Hitlerin əslində bu böyüklükdə müharibəyə başlaya biləcəyini etiraf etmək istəmədik. Çexoslovakiyanın o zamankı Qərb müttəfiqləri Hitlerə güzəştə getməklə dünyanı xilas edə biləcəklərinə inanırdılar. Və necə də səhv etdilər! Və bu gün bir çox insanlar deyirlər: “Gəlin Putinə təslim olaq, ona Ukraynadan bir parça verək və müharibə bitəcək və sülh gələcək”.

Ola bilsin ki, tarixə nəzər salıb, ondan bu gün üçün dərs götürməliyik”, - deyə prezident bildirib.

Çexiya prezidenti Petr Pavel deyir ki, hazırda Ukraynanı hər cür dəstəkləmək vacibdir ki, o, Rusiya təcavüzkarına müharibəni davam etdirməyin mənası olmadığını başa salsın. Onun sözlərinə görə, Moskvanın ən azı müəyyən qədər uğura ümidi qalmış olsa, o, sülh danışıqları aparmaqda maraqlı olmayacaq.

Öz növbəsində İtaliyanın müdafiə naziri Guido Krosetto bildirib ki, Putinə bütün Ukrayna lazımdır və üstəlik, “heç kim bizi Ukraynada dayanacağına əmin etmir”. Eyni zamanda, o hesab edir ki, Rusiya qoşunlarının Kiyevdə görünməsi Avropada ciddi sabitliyi pozan amil olacaq və qaçılmaz olaraq “sərhəddə rus tanklarını qəbul etməyən digər ölkələrlə toqquşmaya” gətirib çıxaracaq.

Qadir, Bizimyol.info