ABŞ-ın hazırkı prezidenti Co Bayden siyahıda yeganə namizəd olduğu İndiana ştatında Demokratlar Partiyasının ilkin seçkilərində qalib gəlib.

Bizimyol.info xəbər verir ki, bu barədə Amerika mətbuatı məlumat yayıb.

İndiana ştatının praymerizləri qarşıdan gələn Demokratik Milli Qurultayda partiyanın prezidentliyə namizədliyini dəstəkləyəcək nümayəndələri seçir. "CNN"in məlumatına görə, ştatda Baydenə yüz faiz dəstək

verəcək 79 nümayəndənin səsi təmin edilib.

Martın 12-də Corciyada keçirilən praymerizin nəticələrindən sonra Bayden qarşıdan gələn 5 noyabr seçkilərində prezidentliyə namizəd irəli sürəcək Demokratik Milli Konvensiyaya kifayət qədər sayda nümayəndənin dəstəyini qazanıb. Ümumilikdə Bayden hazırda 2 mindən çox nümayəndə səsi toplayır. Milli Konvensiyada Demokratların prezidentliyə namizədliyini qazanmaq üçün namizəd ən azı 1968 nümayəndənin dəstəyini qazanmalıdır.

Qadir, Bizimyol.info