Pxenyan hərbi gücünü gücləndirmək niyyətində olduğu üçün Şimali Koreyanı təhdid etməyə davam etsələr, ABŞ və müttəfiqləri təhlükə altında olacaq.

Bunu Koreya Xalq Demokratik Respublikasının (KXDR) İşçi Partiyası Mərkəzi Komitəsinin şöbə müdirinin müavini, Kim Çen Inın bacısı Kim Yo Conq açıqlamasında deyib.

“Yalnız ABŞ-ın Yaponiya və onların marionetkası olan Koreya Respublikası ilə birlikdə, demək olar ki, hər həftə davamlı olaraq bizə qarşı həyata keçirdikləri bu hücumlar barədəki məlumatlara əsaslanaraq bölgədəki vəziyyətin yanan detonator qoruyucusu kimi gərginliyə çatmasının səbəbini öyrənmək tamamilə mümkündür. Bu il ABŞ öz peykləri ilə birlikdə 80 dəfədən çox, Cənubi Koreya isə 60 dəfədən çox hərbi təlimlər keçirib”, - deyə Koreya Mərkəzi Xəbər Agentliyi Kim Yo Conqun sözlərindən sitat gətirib.

“Biz suverenliyimizi və təhlükəsizliyimizi, regionda sülhü qorumaq üçün böyük və güclü hərbi güc toplamağa davam edəcəyik. Birləşmiş Ştatlar öz əlaltılarını toplamağa, gücü ilə öyünməyə və millətimizin təhlükəsizliyini təhdid etməyə davam edərsə, ABŞ və müttəfiqlərinin təhlükəsizliyi daha böyük təhlükə altında olacaq”, deyə o əlavə edib.

Kim Yo Conq qeyd edib ki, ABŞ və müttəfiqlərinin bəzi təlimləri “KXDR-ə qarşı nüvə müharibəsi ssenarisi” hazırlamaq məqsədi daşıyır. Onun sözlərinə görə, Cənubi Koreya Respublikası KXDR-ə qarşı silahdan istifadə etməyə cəsarət etsə, “dərhal məğlub olacaq”.

Qadir, Bizimyol.info