İsrailin İrana hücumu ilə bağlı xəbərlər ABŞ-da təəccüb doğuracaq hadisə kimi qarşılanmayıb.

Bizimyol.info xəbər verir ki, bu barədə cümə axşamı "Axios" portalı ABŞ administrasiyasının yüksək rütbəli rəsmisinə istinadən məlumat yayıb.

"Biz bu məlumatdan təəccüblənmədik" deyən portal onun sözlərini sitat gətirir və vurğulayır ki, İsrail zərbə endirmək niyyəti barədə "ABŞ-ı əvvəlcədən xəbərdar edib". "Axios" qeyd edir ki, Vaşinqton ehtiyat edir ki, zərbələr mübadiləsi Yaxın Şərqdə vəziyyəti daha da gərginləşdirmək təhlükəsi yaradır.

Aprelin 13-ü axşam saatlarında İran İsrailə qarşı pilotsuz təyyarələr və raketlər ataraq bunu “çoxsaylı cinayətlərə”, o cümlədən İranın Dəməşqdəki səfirliyinin konsulluq bölməsinə İsrailə aid edilən hücuma cavab adlandırıb. Tehran İsrailə zərbələrinin hərbi obyektləri hədəf aldığını bildirib.

İsrail Müdafiə Qüvvələri yəhudi dövlətinə doğru uçan 350-yə yaxın İran mərmisinin 99%-ni tutduğunu, Nevatim hava bazasına cüzi ziyan dəydiyini bildirdi.

Qadir, Bizimyol.info