Regionda vəziyyət daha da gərginləşərsə, İran məsuliyyət daşıyacaq.
Bizimyol.info xəbər verir ki, bu açıqlama ilə İsrail Müdafiə Qüvvələrinin (İMQ) rəsmi nümayəndəsi Daniel Həqari çıxış edib.
"İran vəziyyəti daha da gərginləşdirmək qərarının ağır nəticələri ilə üzləşəcək. İsrail müdafiə üzrə yüksək hazırlıq vəziyyətindədir. Biz də (İMQ) cavab verməyə hazırıq”, - dedi Həqari bildirib.
İsrail ordusunun sözçüsü qeyd edib ki, İsrail ordusu ölkəni İranın gələcək təcavüzündən müdafiə etməyə hazırlığını artırıb.
"Ordu bütün mümkün ssenarilərə hazırdır və İsrail xalqını qorumaq üçün müttəfiqləri ilə birlikdə lazımi addımları atacaq", - deyə o bildirib.
Həqarinin fikrincə, İran Yaxın Şərqdə və onun hüdudlarından kənarda terrorçularını maliyyələşdirir, öyrədir və silahlandırır. "İranın dəstəklədiyi HƏMAS hərəkatı bu müharibəyə oktyabrın 7-də Qəzza zolağından başlayıb. İranın dəstəklədiyi Livan şiə Hizbullah partiyası oktyabrın 8-də bu müharibəni genişləndirdi və o vaxtdan İraq və Suriyadakı İranın dəstəklədiyi milislər, eləcə də Yəməndə İranın dəstəklədiyi husilər bunu qlobal münaqişəyə çevirdilər", -deyə o əlavə edib.
Ordunun Mətbuat İdarəsi Həqarinin "İranın müharibədə iştirakı və Yaxın Şərqə təsiri ilə bağlı İMQ sözçünün bəyanatı" adlı çıxışının videosunu yayıb.
Bununla belə, "Ynet" portalı qeyd edir ki, bunu açıqlamanı İranın "İRNA" dövlət agentliyi İran İslam İnqilabı Keşikçiləri Korpusunun (SEPAH, Silahlı Qüvvələrin elit bölmələri) dəniz qüvvələrinin Hörmüz boğazında "MSC Aries" kommersiya gəmisini ələ keçirdiyini təsdiqlədikdən sonra İsrail hərbçiləri verib.
Müsadirə edilən Portuqaliya bayraqlı konteyner gəmisi "MSC Aries" israilli iş adamı Eyal Oferin "Zodiac Group"un bir hissəsi olan Londonda yerləşən "Zodiac Maritime" ilə əlaqəlidir.
2023-cü il oktyabrın 7-də Qəzza zolağından HƏMAS yaraqlılarının İsrail ərazisinə hücumundan sonra Yaxın Şərqdə vəziyyət kəskin şəkildə pisləşib. Buna cavab olaraq İsrail Qəzzanı tam mühasirəyə aldığını elan edərək, ona, Livan və Suriyanın müəyyən bölgələrinə qarşı qisas əməliyyatı keçirməyə başlayıb, bununla da Fələstin anklavında quru əməliyyatı davam etdirilməyə davam edir. İordan çayının qərb sahilində də toqquşmalar baş verir.
Qadir, Bizimyol.info
