ABŞ prezidenti Co Baydenin tezliklə Çinə səfər etmək planı yoxdur.

Bizimyol.info xəbər verir ki, bu barədə "NHK" telekanalına müsahibəsində dövlət başçısının milli təhlükəsizlik üzrə köməkçisi Ceyk Sallivan bildirib. Amerika liderinin Çinə gedə biləcəyi ilə bağlı suala o: “Belə planlar yoxdur”, - deyə cavabını verib.

Sallivanın sözlərinə görə, hazırda Çin sədri Si Cinpinqin ABŞ-a səfərinin mümkünlüyü də müzakirə olunmur. "Hər iki dövlət lideri həqiqətən də növbəti aylarda telefonla əlaqə saxlamaq niyyətində olduqlarını söyləyib, çünki iki lider arasındakı ünsiyyət ABŞ və Çin arasındakı kimi mürəkkəb münasibətlərdə heç nə ilə əvəz edilə bilməz",  - deyə o əlavə edib.

Aprelin 2-də ABŞ administrasiyasının yüksək rütbəli rəsmisi jurnalistlər üçün xüsusi telefon brifinqində Co Baydenin Si Cinpinq ilə telefon danışığı apardığını açıqlayıb. Liderlər ABŞ və Çin arasında münasibətləri, eləcə də bir sıra regional və qlobal məsələləri nəzərdən keçiriblər.

15 noyabr 2023-cü ildə Bayden və Çin prezidenti Si Cinpinqin altı ildə ABŞ-a ilk səfəri zamanı baş tutan San-Fransisko (Kaliforniya) ətraflarında görüş keçirdilər.

Sinxua agentliyinin həmin vaxt xəbər verdiyi kimi, liderlər “bərabərlik və hörmət əsasında iki ölkənin silahlı qüvvələri arasında yüksək səviyyəli əlaqəni bərpa etmək, Çin Xalq Respublikası və ABŞ müdafiə nazirləri arasında işgüzar görüşlər keçirmək, dəniz təhlükəsizliyi məsələləri üzrə məsləhətləşmə mexanizmi və döyüş komandanlıq zonalarının komandirləri arasında telefon danışıqları olub.

Qadir, Bizimyol.info