Tehran beynəlxalq hüquqa uyğun olaraq terror hücumlarına cavab vermək üçün qanuni hüququnu özündə saxlayır.

Bizimyol.info xəbər verir ki, bu barədə İran Xarici İşlər Nazirliyinin İsrail Hərbi Hava Qüvvələrinin İranın Suriyadakı konsulluğuna endirdiyi zərbələri pisləyən bəyanatında deyilir.

“İran beynəlxalq hüquq və BMT Nizamnaməsinə uyğun olaraq bu cür terror aktlarına qətiyyətlə cavab vermək üçün qanuni və ayrılmaz hüququnu özündə saxlayır”, - deyə idarənin rəsmi Telegram kanalı bəyanatın mətnindən sitat gətirir.

Qeyd olunur ki, İsrailin konsulluğa endirdiyi zərbə nifrətin qızışdırılmasına kömək edən hücum aksiyasıdır: “Şübhə yoxdur ki, bu hücum və mənfur hərəkət həm diplomatik personalın, həm də İran İslam Respublikasının Dəməşqdəki səfirliyinin diplomatik toxunulmazlığının pozulmasıdır”, - deyə mətndə qeyd edilib.

Qadir, Bizimyol.info