Alimlər müəyyən ediblər ki, 1 ay ərzində tam yuxu yatan insanlar özlərini yaşlarından təxminən 6 yaş cavan hiss edirlər.

Bizimyol.info "trthaber"ə istinadən xəbər verir ki, "CNN"in məlumatına görə, İsveçdəki Karolinska İnstitutunun tədqiqatçıları kifayət qədər yuxu almaq və qəbul edilən yaşla yuxusuzluq arasındakı əlaqəni araşdırıblar.

Tədqiqat çərçivəsində 18-70 yaş arası 429 nəfərlə aparılan ilk araşdırmada insanlardan son bir ayda neçə gecə kifayət qədər yuxu almadıqları və yuxudan doymadığı günlərdə özlərini neçə yaşda hiss etdikləri soruşulub.

Əldə edilən məlumatlar psixoloji tədqiqatda istifadə olunan standart şkala uyğun olaraq qiymətləndirilmişdir. İlk araşdırma nəticəsində elm adamları, insanların tam yuxu almadıqları hər gün üçün 3 ay qocaldıqlarını, son bir ayda tam yuxu alanların isə özlərini təxminən 6 yaş cavan hiss etdiklərini bildirdilər.

İkinci araşdırma isə 18-46 yaş arası 186 könüllünün iki gün ardıcıl olaraq 4 saat yatdıqları zaman nə qədər yaşlı hiss etdiklərini araşdırılıb. Müayinələr nəticəsində iki gün dalbadal cəmi 4 saat yatan könüllülərin özlərini təxminən 4,5 yaş daha yaşlı hiss etdikləri müəyyən edilib.

Tədqiqatçılar səhər oyaq olmağı sevənlər olaraq təyin olunan "səhər bayquşları" ilə gecə oyaq olmağı sevən "gecə bayquşlarının" yuxu itkisinə reaksiyalarının da fərqli olduğunu müşahidə ediblər. Məlum olub ki, səhər insanlar az yatanda gecələrdən daha yaşlı, 9 saat yatdıqda isə gənc hiss edirlər.

İsveçdəki Karolinska İnstitutunda psixoneuroimmunologiya (PNI) sahəsində çalışan həkim Leonie Balter yuxunun qoca insanların hisslərinə böyük təsir etdiyini ifadə etdi.

Balter araşdırmanın əhəmiyyətinə diqqət çəkərək, insanların özlərini daha gənc hiss etdirmələri təmin olunarsa, sosial və fiziki cəhətdən aktiv olacaqlarını və yeni təcrübələr yaşamaq üçün daha istəkli olacaqlarını ifadə edib.

Araşdırma məqaləsi “Proceedings of the Royal Society B” jurnalında dərc olunub.

Qadir, Bizimyol.info