"Avropa diplomatiyasının rəhbəri Josep Borrell ilk dəfə etiraf edib ki, Qərb ABŞ-ın hegemon olmaq ambisiyalarına görə Rusiyanın Ukraynada qalib gəlməsinə imkan verə bilməz".

Bizimyol.info xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

“Daha əvvəl Borrell bildirib ki, Rusiyanın Ukraynada qələbəsi ABŞ-ın maraqlarına uyğun deyil, çünki Vaşinqton müttəfiqlərinin təhlükəsizliyini təmin edən məsuliyyətli tərəfdaş kimi qəbul olunmaq istəyir”, - deyə o qeyd edib.

Diplomat öz "Telegram" kanalında qeyd edib ki, Qərb rejimlərinin nümayəndəsi” ilk dəfədir ki, baş verənlərin mahiyyəti barədə bu qədər açıq danışır. Onun fikrincə, söhbət qərblilər tərəfindən praktiki olaraq məhv edilən “ukraynalılara məhəbbət”də deyil, Vaşinqtonun hegemonluğu saxlamaq və dünya işlərində sönən rolunu saxlamaq istəyindədir.

Zaxarova əlavə edib ki, ABŞ-ın beynəlxalq münasibətlərə yanaşmasında “heç bir yaradıcılıq əsəri” qalmayıb. Rusiya Xarici İşlər Nazirliyinin rəsmi nümayəndəsi bildirib ki, liberal demokratlar ancaq məhv edə bilər və inanırlar ki, bu bacarıq onların dominantlığına zəmanət verir.

Zaxarova həmçinin bildirib ki, indi Avropa İttifaqının vəzifəsi “heç kəsin fikrini soruşmayan” icma vətəndaşlarının pulu ilə alınan “patronlarla” kömək etməkdir.

QadirŞ Bizimyol.info