Dəyəri 3,6 milyard dollar olan Britaniyanın Hərbi Dəniz Qüvvələrinin "HMS Prince of Wales" təyyarədaşıyan gəmisi maliyyə problemlərinə görə dost ölkələrdən birinə ucuz qiymətə satıla və ya icarəyə verilə bilər.
Bizimyol.info xəbər verir ki, bu barədə Böyük Britaniya Hərbi Dəniz Qüvvələrindəki mənbələrə istinadən “The Daily Mail” qəzeti məlumat yayıb.
Verilən məlumata görə, gələn həftə təqdim olunacaq büdcə layihəsində müdafiə xərclərinin əhəmiyyətli dərəcədə artırılmasının nəzərdə tutulmadığı məlum olduqdan sonra Dəniz Müəssisələrinin Planlaşdırılması Qrupunun üzvləri tərəfindən oxşar ssenari nəzərdən keçirilirib.
“Qrup Hərbi Dəniz Qüvvələrinin əməliyyat öhdəliklərini yerinə yetirmək üçün mübarizə apardığını və imkanlarını tez bir zamanda genişləndirməli olduğunu qəbul edir. İkinci təyyarədaşıyıcı (xüsusiyyətlərinə görə ilk "HMS Queen Elizabeth"ə bənzəyir) çox bahalı və nadir hallarda istifadə olunan avadanlıqları olan ehtiyat aktivdir. Beləliklə, büdcə problemlərini həll etmək istəsək, təyyarədaşıyan gəmidən qurtula və ya məsələn, AUKUS-a (Avstraliya, Böyük Britaniya və ABŞ-ın üçtərəfli hərbi ittifaqı) verə bilərik", deyə o qeyd edib.
2019-cu ilin dekabrında istismara verilən "HMS Prince of Wales", 36 şaquli enişli "F-35B" döyüş təyyarəsi, həmçinin dörd helikopter daşımaq üçün nəzərdə tutulub, lakin tələb olunarsa, təxminən 70 qırıcı qəbul edə bilər. "HMS Queen Elizabeth" 2017-ci ildə Britaniya Hərbi Dəniz Qüvvələrinə təhvil verilib.
65 min ton yerdəyişmə və 280 m uzunluğu olan bu Britaniya təyyarədaşıyan gəmisi, medianın məlumatına görə, nasazlıqları aradan qaldırmaq üçün təsanələrdə xeyli vaxt sərf edib.
2020-ci ilin dekabr ayında "HMS Prince of Wales" batdığı üçün bir neçə ay xidmət sırasından çıxıb. Minlərlə litr suyun maşın otağına və elektrik panellərinə dolması ilə nəticələnən hadisəyə səbəb yanğınsöndürən su təchizatında yaranan fasilə olub. Həmin hadisənin nəticələrinin aradan qaldırılması 193 gün çəkdi və 4 milyon dollara başa gəlib.
2022-ci ilin avqustunda təyyarədaşıyan gəminin pervanesi xarab olub. Bu, gəmi Amerika və Kanada hərbçiləri ilə ABŞ sahillərində təlimlərdə iştirak etmək üçün Portsmutdakı bazasını tərk edərkən baş verib. Problemlər bununla da bitməyib - generatorlardan birinə gedən yanacaq şlanqında çat aşkarlanıb. Təmir 24 milyon dollara başa gəlib.
Qadir, Bizimyol.info
