Almaniyanın xarici işlər naziri Annalena Berbok Qərbin Ukraynanın Rusiya ilə danışıqlar aparmasına mane olması ilə bağlı iddiaları təkzib edib.
Bizimyol.info xəbər verir ki, o, "Bild" qəzeti üçün yazdığı müəllif yazısında iddia edib ki, Qərb də öz növbəsində artıq iki ildir ki, Ukraynada sülh üçün “yorulmadan çalışır”.
“Kim deyir ki, silah tədarükü müharibəni uzadır, Rusiya prezidenti Vladimir Putinin əlinə oynayır. Çünki Qərbin Ukraynanı danışıqlardan kənarda saxladığını demələri yalandır. Fakt budur ki, artıq 731 gündür ki, biz beynəlxalq tərəfdaşlarla birlikdə nəhayət Ukraynaya sülhün gəlməsini təmin etmək üçün yorulmadan çalışırıq”, - deyə o qeyd edib.
Berbok həmçinin 2022-ci ilin yazında İstanbulda aparılan danışıqları xatırladıb və bu danışıqlar zamanı Rusiyanın qoşunlarını geri çəkəcəyi halda Ukraynanın güzəştə getməyə hazır olduğunu qeyd edib: “Ukraynada elə bir adam yoxdur ki, bu müharibənin bitməsini istəməsin və bu ümidin gerçəkləşməsi üçün hər şeyi edirik”, - nazir əlavə edib.
Qərbdə dəfələrlə bildiriblər ki, Moskva ilə danışıqlara nə vaxt başlayacağına Kiyev hakimiyyəti özləri qərar verəcək.
Fevralda müharibənin başlanmasından sonra Rusiya Federasiyası ilə Ukrayna arasında ilk danışıqlar 2022-ci ilin mart ayının əvvəlində Belarusda baş tutsa da, heç bir ciddi nəticə vermədi. 2022-ci il martın 29-da növbəti mərhələ İstanbulda baş tutdu, Moskva Kiyevdən ilk dəfə olaraq kağız üzərində yazılan gələcək mümkün sazişin prinsiplərini aldı. Buraya, digər məsələlərlə yanaşı, Ukraynanın neytral, bloklara qoşulmamaq statusu və onun ərazisində xarici hərbi silahların, o cümlədən nüvə silahlarının yerləşdirilməsindən imtina etməsi ilə bağlı öhdəliklər də daxildir.
Kiyev və Çerniqov istiqamətindəki rus qoşunları çıxarıldı, lakin bundan sonra nizamlanma üzrə danışıqlar tamamilə donduruldu, Rusiya prezidenti Vladimir Putinin sözlərinə görə, Kiyev razılaşmalardan imtina etdi. 2022-ci ilin oktyabrında Ukrayna prezidenti Vladimir Zelenski Milli Təhlükəsizlik və Müdafiə Şurasının Putinlə danışıqların mümkünsüzlüyü barədə qərarını qüvvəyə mindirib.
2023-cü ilin noyabrında prezidentyönlü “Xalqın qulluqçusu” partiyasının Ali Radadakı fraksiyasının rəhbəri David Araxamiya Ukraynanın “1+1” telekanalına müsahibəsində Kiyevin nəyə görə 2022-ci ildə Moskva ilə danışıqlardan imtina etməsi barədə bildirib ki, Ukrayna nümayəndə heyəti İstanbuldan qayıdanda o vaxt İngiltərənin baş naziri Boris Conson Kiyevə gəlib və deyib: “Biz onlarla heç nə imzalamayacağıq”. Onun sözlərinə görə, hökumət başçısı “sadəcə mübarizə aparmağı” da təklif edib.
Qadir, Bizimyol.info
