Şimali Kipr Türk Respublikasının (ŞKTC) Baş nazir Ünal Üstel iyul ayında Qarabağın simvolu olan Şuşada keçirilməsi planlaşdırılan Türk Dövlətləri Təşkilatının (TDT) qeyri-rəsmi toplantısına ŞKTC Prezidenti Ersin Tatarı dəvət etdiyinə görə Azərbaycan Prezidenti İlham Əliyevə təşəkkür edib.

Bizimyol.info xəbər verir ki, Üstel təmas qurmaq üçün getdiyi Azərbaycandakı şəhid məzarlıqlarını ziyarət edib.

Üstel Azərbaycanın mərhum prezidenti Heydər Əliyevin məzarını ziyarət edib, daha sonra 20 Yanvar Şəhidlərinin yerləşdiyi Şəhidlər Xiyabanına gedib, məzarları üzərinə gül dəstələri qoyub. Bakı Türk Şəhidliyini də ziyarət edən Üsteli ŞKTC Bakı təmsilçisi Ufuk Turqaner və azərbaycanlı millət vəkili Ramil Həsən müşayiət edib. Səfərdən sonra mətbuata açıqlamasında Üstel Yeni Azərbaycan Partiyasının (YAP) sədr müavini, baş katib Tahir Budaqovun dəvəti ilə Bakıda olduğunu bildirib.

Bir müddət əvvəl Türkiyə, Azərbaycan və ŞKTC-nin iqtidar partiyaları arasında əməkdaşlıq protokolu imzalandığını xatırladan Üstel Bakı təmasları zamanı həm iqtidar partiyaları arasında əməkdaşlıq, həm də üç ölkə arasında iqtisadiyyat, təhsil və turizm sahələrində əməkdaşlığı müzakirə edəcəklərini bildirib.

Azərbaycan Prezidenti Əliyevin iyul ayında Şuşada keçirilməsi planlaşdırılan TDT-nin Qeyri-rəsmi Toplantısına ŞKTC Prezidenti Ersin Tatarı dəvət etməsinə toxunan Üstel: “Əliyevin ŞKTC prezidenti Ersin Tatarı dəvət etməsinə çox şad olduq. Bu gözəl zəngə görə ona bir daha təşəkkür etmək istəyirəm. İnanıram ki, gələcəkdə TDT-də işimiz daha yaxşı və səmərəli olacaq, həmçinin biz həm iqtisadi, həm təhsil, həm turizm, həm də mədəni əlaqələr sahəsində təmaslarımızı daha da inkişaf etdirəcəyik”, - deyə baş nazir qeyd edib.

Qadir, Bizimyol.info