Avropa İttifaqının yeni qaydaları "WhatsApp" və "Messenger" proqramlarının digər söhbət proqramları ilə birlikdə işləməsini tələb edirdi.

Bizimyol.info xəbər verir ki, "webtekno"un verdiyi məlumata görə, bu prosesin necə həyata keçiriləcəyini "WhatsApp" özü izah edib.

İndiki vaxtda kommunikasiya kanallarımız kifayət qədər rəngarəng olub və zaman-zaman kiməsə çatmaq üçün müxtəlif proqramlar arasında keçid etməliyik. Telefonlarımızda "Messenger", "WhatsApp", "Signal", "Telegram" kimi söhbət proqramları yüklənərək əlavə ağırlıq yaradır. Avropa Birliyinin təsiri ilə "WhatsApp" və "Messenger" digər proqramlarla mesajlaşmanın yolunu açır.

Əslində, "WhatsApp" iki ildir ki, digər mesajlaşma proqramları ilə əlaqə yaratmaq üçün çalışır. Bu tədqiqatların məqsədi müxtəlif tətbiqlər arasında əlaqəni təmin etmək və şifrələmə mühafizəsini riskə atmamaqdır. Görünür, "WhatsApp" bunun üçün bir üsul hazırlayıb.

Sistemin necə işləyəcəyi məlum oldu

Avropa Birliyi "Meta"dan "WhatsApp" və "Messenger" tətbiqlərində belə bir tənzimləmə tələb etdi və altı "qapı gözətçisi" şirkətə digər şirkətlərə mesajlaşma sahəsində fürsət verəcək qaydalar hazırlamaq üçün altı ay müddət verilib. “WhatsApp” bu müddət bitməmiş problemi həll etmək üçün tədbir görüb.

Yeni sistemdə "WhatsApp" və "Messenger"in yuxarı sağ küncünə yeni nişan əlavə olunacaq. Bu nişana digər mesajlaşma proqramlarından gələn mesajlar daxil olacaq. İlkin mərhələdə Meta yalnız şəxsi mesajlaşma xüsusiyyətlərinə diqqət yetirəcək. Başqa sözlə, diqqət müxtəlif platformalar arasında iki istifadəçi arasında mesajların, şəkillərin, videoların və audio faylların ötürülməsinə yönəldiləcək. Gələcəkdə buraya zənglər və qrup söhbətləri daxil ediləcək. Bu funksiyanı yandırıb-söndürmək istifadəçidən asılı olacaq.

Ayrı mesaj qutuları əvvəllər developer versiyalarında görünürdü

Əvvəllər “WhatsApp”ın tərtibatçı versiyaları araşdırılarkən “üçüncü tərəf çatları” üçün ayrıca mesaj qutusunun olduğu aşkarlanmışdı. Məsələ ilə bağlı “WhatsApp”dan verilən açıqlamalarda üçüncü tərəf proqramlarından gələn mesajların ayrıca mesaj qutusuna yerləşdirilməsinin səbəbi kimi platformalar arasında göndərilən mesajların “WhatsApp” daxilindəki mesajlar kimi qoruna bilməməsi olduğu bildirilib.

Şirkətlərin fərqli təhlükəsizlik tədbirləri və fərqli məxfilik həlləri var. Buna görə də, müxtəlif platformalar arasında mesajların göndərilməsi və qəbulu mətn mesajları göndərmək kimi köhnə üsullarla müqayisədə tamamilə fərqli şəkildə baş verir. Ona görə də inteqrasiya prosesinin başa çatması bir qədər vaxt aparacaq kimi görünür.

Bundan əlavə, üçüncü tərəf proqramları “WhatsApp” və ya “Messenger” ilə müqavilə imzalamalıdır. “Meta”nın mesajlaşma proqramları ilə əlaqə yaratmaq üçün üçüncü tərəf proqramları ilk növbədə “Signal” protokolunu qəbul etməli və mesajları “XML” formatına çevirməlidir. Gözləyib görək bu funksiya nə vaxt istifadəyə veriləcək.

Qadir, Bizimyol.info