Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
İsraillə HƏMAS danışıqlara başlayır, nümayəndə heyətləri Misirdə görüşəcəklər
İsraillə HƏMAS danışıqlara başlayır, nümayəndə heyətləri Misirdə görüşəcəklər

Bu gün keçirilməsi gözlənilən məhbus mübadiləsi danışıqları üçün İsrailin Misirə nümayəndə heyəti göndərəcəyi bildirilib.

Bizimyol.info xəbər verir ki, İsrailin "Kanal 12" televiziyasında yayımlanan xəbərdə, Təl-Əviv rəhbərliyi ilə HƏMAS arasında əsir mübadiləsi üçün dolayı danışıqların bu gün Qahirədə davam edəcəyi qeyd edilib.

Bildirilib ki, Qahirədə keçiriləcək danışıqlarda iştirak edəcək nümayəndə heyətinə Xarici Kəşfiyyat Xidməti - "Mossad" rəhbəri David Barnea və Daxili Təhlükəsizlik Agentliyinin direktoru Şin-Bet (Şabak) Ronen Bar daxildir.

Yerli media HƏMAS-ın təklif etdiyi məhbus mübadiləsi razılaşmasını rədd edən İsrailin ABŞ-ın təzyiqi ilə Qahirəyə nümayəndə heyəti göndərdiyini bildirib. Sözügedən xəbərdə, ABŞ prezidenti Co Baydenin fevralın 11-də telefon danışığında İsrailin baş naziri Benyamin Netanyahunu danışıqlar üçün Qahirəyə bir nümayəndə heyəti göndərməyə “təşviq etdiyi” bildirilib.

Yanvarın 28-də Fransanın paytaxtı Parisdə İsrail və HƏMAS arasında yeni əsir mübadiləsinə dair danışıqlar çərçivəsində müzakirələr aparılıb. Görüşdə Barnea və Bardan başqa ABŞ Mərkəzi Kəşfiyyat İdarəsinin (MKİ) direktoru Uilyam Bill Burns, Qətərin baş naziri və xarici işlər naziri Məhəmməd bin Əbdürrəhman Əl Tani, həmçinin Misirin kəşfiyyat direktoru Abbas Kamil iştirak ediblər.

Fevralın 7-də Parisdə keçirilən danışıqlardan sonra HƏMAS üç mərhələli məhbus mübadiləsini və atəşkəsi nəzərdə tutan plan təqdim edib. Netanyahu isə fevralın 8-də keçirdiyi mətbuat konfransında HƏMAS-ın təklifini rədd edərək orduya Qəzza zolağının cənubundakı Rəfah şəhərinə hücuma hazırlaşmaq əmri verdiklərini bildirib.

Qadir, Bizimyol.info

Son xəbərlər
Bütün xəbərlər »