Daha əvvəl "Apple" "Vision Pro" üçün proqramlar hazırlamayacağını açıqlayan "YouTube" bu qərarından vaz keçib. Açıqlamada, yeni tətbiqin yol xəritəsi daxilində olduğu bildirilib.

Bizimyol.info "webtekno"ya istinadən xəbər verir ki, bununla belə, "YouTube"un "Vision Pro" tətbiqi ilə bağlı çoxlu söyləntilər var.

ABŞ-ın texnologiya nəhəngi "Apple"ın yaxınlarda satışa çıxardığı "Vision Pro" istehlakçılarda böyük həyəcan yaradıb. İnsanlar "Apple"ın qarışıq reallıq təcrübəsini yaşamaq üçün "Vision Pro" satışlarında buma səbəb oldular. Bununla belə, "Vision Pro"nun hələ tamamlanmış bir cihaz olmadığı həqiqətdir.

Xatırlayan oxucularımız var; "YouTube" bir müddət əvvəl açıqlama vermişdi və "Vision Pro" üçün xüsusi proqram hazırlamayacaqlarını bildirmişdi. İstifadəçilər "YouTube"a yalnız "Safari" vasitəsilə daxil ola biləcəklər. Ancaq indi, deyəsən, bu dəyişib. "The Verge"ə danışan "YouTube" sözçüsü, "Vision Pro" üçün proqram hazırlamaq qərarına gəldiklərini açıqladı.

Cessika Qibby adlı sözçünün verdiyi açıqlamada, edəcəkləri xüsusi bir açıqlamaları olmadığı, ancaq "Vision Pro" uyğun "YouTube" tətbiqinin yol xəritəsində olduğu ifadə edib. Başqa sözlə, tətbiqin nə təklif edəcəyi və nə vaxt dərc olunacağı kimi məsələlər hələlik məlum deyil.

Burada ən mühüm məsələ "Vision Pro" üçün hazırlanacaq "YouTube" tətbiqinin 3D və 360 dərəcə videoları dəstəkləyib-dəstəkləməməsidir. Lakin hazırda bununla bağlı dəqiq izahat yoxdur. "YouTube" əlindən gələni edəcəyini söyləyir, lakin görünür, biz yalnız gələcəkdə bunun əhatə dairəsinin nə olacağını görə biləcəyik.

Bu arada; Qeyd edək ki, "Safari"də 3D və 360 dərəcə video dəstəyi mövcud deyil. "Vision Pro" istifadəçiləri bu funksiyadan məhrumdur.

Qadir, Bizimyol.info