"Tesla" insanabənzər robot layihəsi Optimus üçün yeni video paylaşıb. Artıq ikinci nəsil olaraq satışa çıxarılan "Tesla Optimus" öz bədənini tam idarə edə bilir və hətta dəqiqliklə yumurtanı da daşıya bilir.
Bizimyol.info xəbər verir ki, məşhur elektrik avtomobil istehsalçısı "Tesla"nın üzərində işlədiyi layihələrdən biri də "Optimus"dur. Şirkətin insanabənzər robotu Optimus uzun müddətdir ki, inkişaf mərhələsindədir və layihə çox yavaş irəliləyir.
Ancaq bu gün paylaşılan yeni video "Optimus"un ciddi irəliləyiş əldə etdiyini ortaya qoyub. Artıq ikinci nəsil olaraq təqdim edilən robot, real hərəkətləri və çox həssas obyektləri tutma qabiliyyəti ilə diqqəti cəlb edir.
"Tesla Optimus" üçün paylaşılan son video insanabənzər robotun 30 faiz daha sürətli olduğunu göstərə bilib. Bundan əlavə, bu robot indi daha çox humanoid həndəsə malikdir. Bunun ən aydın göstəricisi, hərəkətdə olan "Optimus"un "gülür" olmamasıdır. Çəkisi 10 kiloqram azalan "Optimus" bədənini tam idarə edə bilir. Digər tərəfdən; "Tesla"nın insanabənzər robotu indi tamamilə yeni əllərlə təmin olunub. Üstəlik, bu əllər yumurtanı qırmadan daşıya biləcək qədər incə işləyə bilir.
"Tesla"nın "Optimus" üçün böyük planları var. Şirkət bu insanabənzər robotu öz fabriklərində istifadə etməyi planlaşdırır. Təbii ki, bunun nə vaxt olacağı hələ bəlli deyil, lakin süni intellektlə dəstəklənən insanabənzər robotlarla işləməyə başlayan "Tesla" fabrikləri avtomobil sənayesində yeni səhifə açacaq.
Qadir, Bizimyol.info
Optimuspic.twitter.com/nbRohLQ7RH
— Elon Musk (@elonmusk) December 13, 2023
