Böyük Britaniya Belarusa qarşı sanksiya siyahısını, respublikanın Ali Məhkəməsinin üzvləri Valentina Kulik və İqor Lyubovitski və prokurorlar da daxil olmaqla 17 nəfər əlavə etməklə genişləndirib.
Bizimyol.info xəbər verir ki, bu barədə Böyük Britaniya Xarici İşlər Nazirliyinin verdiyi bəyanatda deyilir.
Minsk Şəhər Məhkəməsinin hakimləri Svetlana Bondarenko, Pyotr Orlov, Valentina Zenkeviç və Sergey Xripaç, Qomel vilayət məhkəməsinin hakimi Nikolay Dolya, Minsk Regional Məhkəməsinin hakimləri Sergey Epixov, Vyaçeslav Tuleyko və Minskin Leninski rayonunun hakimi Marina Zapasnik ölkəyə girişin qadağan edilməsini və aşkar edilərsə, aktivlərin dondurulmasını nəzərdə tutan məhdudiyyətlər tətbiq edilib.
Bundan başqa, prokurorlar Sergey Qirgel, Mixail Kovalev, Tatyana Qrakun, Roman Bizyuk, Aleksandr Korol, Denis Mikuşev və müstəntiq Anton Kolyaqo Britaniyanın qara siyahısına salınıb. Londonun fikrincə, yuxarıda göstərilən şəxslər “Belarusda vətəndaş cəmiyyətinin və demokratik müxalifətin sıxışdırılmasında” iştirak edirlər.
Onlardan əlavə, səkkiz suriyalı hərbçi və rəsmi şəxsi, o cümlədən informasiya naziri Butros Əl-Həllaq, əmək və sosial məsələlər naziri Luay Əl-Münajid, neft - mineral ehtiyatlar naziri Firas Həsən Kaddour, sənaye naziri Abdel Qadir Cohadar, daxili ticarət və istehlakçıların müdafiəsi naziri Möhsün Əbdül Kərim Əli, həmçinin, nazir Dövlət başçısı Əhməd Bustagi Britaniya hakimiyyətinin sanksiya siyahısına daxil ediliblər.
Böyük Britaniya hökuməti ölkənin məhkəmə və təhlükəsizlik xidmətlərindən olan beş iranlıya qadınlara “məcburi hicab tətbiq etmək” ittihamı ilə sanksiya tətbiq edib.
Siyahıya daxil olan digər şəxslər arasında Haiti Daxili İşlər Nazirliyinin keçmiş baş direktoru Fednel Montchery və amerikalı Cozef Pierre Richard Duplan da var: onlar 2018-ci ildə Port-o-Prinsin kənarında qətliamda iştirak ediblər və nəticədə onlarla insanın ölümünə səbəb olublar.
Bundan əlavə, London məcburi əmək, insan alveri və fırıldaqçılıqla məşğul olan Kamboca, Tailand, Avstraliya, Çin və Myanma iş adamlarına, məmurlarına qarşı məhdudlaşdırıcı tədbirlər tətbiq edib. Sanksiyalar Kambocanın "Heng He Casino", "Golden Sun Sky Entertainment", "Pacific Real Estate Property Management Company", "K.B" Otel və "ZhengHeng Group" şirkətlərinə qarşı tətbiq edilib. Qeyd olunur ki, bu hərəkətlər Kanada və ABŞ-la koordinasiya əsasında həyata keçirilib.
Qadir, Bizimyol.info
