ABŞ-ın 45-ci prezidenti Donald Trampın qızı İvanka Tramp və həyat yoldaşı Cared Kuşner Nyu-Yorkda Qətərin baş naziri Məhəmməd bin Abdel Rəhman Əl Tani, milyarderlər və iş adamları ilə görüş keçirib.

Bizimyol.info xəbər verir ki, bu barədə "Axios" portalı mənbələrə istinadən məlumat yayıb.

Portalın yazdığına görə, görüş çərşənbə günü baş tutub və Qətərin baş naziri Dohanın Yaxın Şərq münaqişəsini həll etmək səylərindən danışıb. Nəşr vurğulayır ki, Əl Tani “İsrail və HƏMAS arasında vasitəçiliyin əsas iştirakçısıdır”, xüsusən də Qəzzada fələstinli radikallar tərəfindən saxlanılan girovların azad edilməsi ilə bağlı danışıqlarda.

"Axios" qeyd edir ki, Kuşner və Qətərin baş naziri Tramp administrasiyası dövründə Qətər və Fars körfəzindəki digər ərəb ölkələri arasında mübahisələrə son qoymaq üçün danışıqlar apararkən yaxın olublar. Portalın qeyd etdiyi kimi, ərəb dövləti hazırda HƏMAS ilə münasibətlərinə görə ABŞ Konqresinin üzvləri və yəhudi təşkilatları tərəfindən “artan təzyiq və nəzarət altındadır”. Eyni zamanda, "Axios"a məlumat verən mənbənin sözlərinə görə, görüşdə Əl Tani həmsöhbətlərini əmin edib ki, Qətərin son 5 ildə maaş, yanacaq və ehtiyacı olanlara yardım üçün Qəzzaya köçürdüyü milyardlarla dollar İsrail hökuməti tərəfindən koordinasiya edilib və təsdiqlənib.

Oktyabrın 7-də Qəzza zolağından radikal HƏMAS hərəkatının yaraqlılarının İsrail ərazisinə soxulmasından sonra Yaxın Şərqdə vəziyyət kəskin şəkildə pisləşib. Radikallar bu hücumu İsrail hakimiyyətinin Qüdsdəki Əl-Əqsa məscidinə qarşı hərəkətlərinə cavab adlandırıblar. İsrail Qəzzanı tam mühasirəyə aldığını elan edərək, Livan və Suriyanın zolağa və müəyyən bölgələrə qarşı cavab tədbirləri görməyə başlayıb.

Qadir, Bizimyol.info