Türkiyə Hərbi Hava Qüvvələri Şimali İraqda əməliyyat keçirib və bu əməliyyat zamanı Kürdüstan Fəhlə Partiyasının (PKK) 16 obyekti məhv edilib.

Bizimyol.info xəbər verir ki, bu barədə Türkiyə Müdafiə Nazirliyi "X" sosial şəbəkəsində (keçmiş "Twitter") məlumat yayıb.

“Hava əməliyyatı yerli vaxtla saat 18:30-da həyata keçirilib, İraqın şimalında Qara, Metina, Hakurk və Qəndil bölgələrində terrorçuların hədəflərinə zərbələr endirilib. Başda PKK-nın məsul nümayəndələrinin yerləşdiyi sığınacaq və anbar olmaqla 16 hədəf məhv edilib”, - mesajda deyilir.

Qeyd edək ki, Türkiyə PKK-nı milli təhlükəsizliyə əsas təhdid hesab edir. Türkiyə ordusu İraqın şimalında və Suriyada kürd yaraqlılarına qarşı vaxtaşırı əməliyyatlar keçirir.

Qadir, Bizimyol.info