Şirkət səhmlərinin dəyəri əsasında hesablanan "Bloomberg Milyarderlər İndeksi"nə əsasən, Rusiyanın ən zəngin iş adamlarının sərvəti bu ilin əvvəlindən 38,575 milyard dollar artıb.

Bizimyol.info xəbər verir ki, bu barədə "Bloomberg" məlumat dərc edib.

Bloomberg Milyarderlər İndeksinə əsasən, ilin əvvəlindən “Lukoyl”un təsisçisi Vahid Ələkbərov 9,14 milyard dollar qazanıb, onun sərvəti 24,5 milyard dollara yüksəlib.

Eyni zamanda, “Eurochem” və “SUEK”in həmtəsisçisi Andrey Melniçenkonun sərvəti 4,03 milyard dollar artaraq 17,2 milyard dollara çatıb. Eyni zamanda, “Lukoyl”un keçmiş vitse-prezidenti Leonid Fedun 3,89 milyard dollar qazanıb, onun sərvəti 9,76 milyard dollardır.

Ən böyük itkilərə Dağıstan Respublikasından olan Federasiya Şurasının üzvü və iş adamı Süleyman Kərimov dəyib, onun sərvəti 0,65 milyard dollar azalaraq 8,34 milyard dollara düşüb. Kərimov "Bloomberg"in məcmu kapitalını şərh etmək sorğusuna cavab verməyib.

2012-ci ilin martından agentlik planetin ən zəngin 500 adamının sərvətləri haqqında məlumatların yer aldığı "Bloomberg Milyarderlər İndeksi"ni dərc edir.

Qadir, Bizimyol.info