Finlandiya hakimiyyəti çərşənbə günü gecə Rusiya ilə bütün sərhədi bağlamağı planlaşdırır.

Bizimyol.info xəbər verir ki, bu barədə “İltalehti” qəzeti mənbələrə istinadən məlumat yayıb.

Nəşrin məlumatına görə, baş nazir Petteri Orponun hökuməti bazar ertəsi Rusiya Federasiyası ilə sərhəddə qalan keçid məntəqələrinin bağlanması barədə qərar qəbul edə bilər. Bu keçid məntəqələrinin çərşənbə günü yerli vaxtla saat 00:00-da bağlanacağı gözlənilir.

Vartius, Salla, Kuusamo və Raya-Jooseppi sərhəd-keçid məntəqələri hələlik açıq qalır. Vartius keçid məntəqəsi noyabrın 18-də saat 18:00-da bağlanıb və noyabrın 19-da saat 08:00-da yenidən açılıb. Noyabrın 19-da Finlandiya silahlı qüvvələri Vartius nəzarət-buraxılış məntəqəsinə gəlib orada müvəqqəti sədd quran sərhədçilərə köməklik göstərib.

Noyabrın 17-dən 18-nə keçən gecə Finlandiya şərq sərhədində dörd sərhəd məntəqəsini - Vaalimaa, Nuijamaa, İmatre və Niiraleni bağlayıb. Baş nazir Orpo bildirib ki, hakimiyyət Finlandiyanın şərq sərhədinə son vaxtlar artan “üçüncü ölkə vətəndaşlarının” axınına cavab olaraq bu qərarı verib. Respublikanın daxili işlər naziri Mari Rantanen deyib ki, qərar 2024-cü il fevralın 18-dək qüvvədədir.

Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Finlandiyanın Rusiya ilə sərhəddəki sərhəd-keçid məntəqələrinin bir hissəsini bağlamaq qərarı Avropada yeni ayırıcı xətlər yaradır, Moskvanın bu hərəkətlərə cavabı idarələrarası formatda işlənib hazırlanacaq.

"Rusiya Finlandiyanın qalan sərhəd keçid məntəqələrini bağlamaq mümkün qərarından dərin təəssüf hissi keçirir", - deyə Rusiya prezidentinin mətbuat katibi Dmitri Peskov məlumatı təsdiqləyib.

“Bu, dərin təəssüfdən başqa bir şeyə səbəb deyil, çünki bizim Finlandiya ilə çoxdankı, çox yaxşı, praqmatik, qarşılıqlı hörmətə əsaslanan münasibətlərimiz var. Təbii ki, biz təəssüf edirik ki, bu münasibətlər sırf rusofob mövqe ilə əvəz olundu və bu qonşu ölkənin rəhbərləri indi ona əməl etməyə başladılar. Təəssüf ki, vəziyyət belədir”, - deyib.

Peskov bildirib ki, Rusiya Finlandiya tərəfinin rus sərhədçilərinə qarşı ittihamlarını qəbul etmir: “Bu halda mən şərh verməzdim. Biz belə ittihamları qəbul etmirik. Təbii ki, sərhəd keçidindən qanuni hüququ olan şəxslər istifadə edir. Bununla bağlı sərhədçilərimiz bütün rəsmi göstərişlərinə tam əməl edirlər”, - deyə Kreml nümayəndəsi Finlandiya tərəfinin Rusiya sərhədçilərinin guya bu ölkəyə miqrasiya axınına şərait yaratdıqlarını, miqrantların sərhədə buraxılması və onları geri qayıtması ilə bağlı bəyanatlarını şərh edərkən bildirib.

“Əgər onlar bəzi uzaqgörən səbəblər tapmağa çalışırlarsa, yenə də biz, bu cür ittihamları qəbul etmirik”, – Peskov vurğulayıb.

Qadir, Bizimyol.info