Əvvəllər "3D" printerlərlə bəzən buynuz qişalar, bəzən də damarlar hazırlanırdı. Ən son xəbərlər istifadə olunan metodların təkmilləşməyə davam etdiyini ortaya qoyur.

Bizimyol.info Türkiyə mətbuatına istinadən xəbər verir ki, elm adamları indi "3D" printerlərdən istifadə edərək real şeyə çox bənzəyən əl hazırlamağa müvəffəq olublar.

ETH Sürix Universitetində çalışan alimlər müxtəlif polimerlərin birləşməsindən istifadə edərək əl hazırlamağı bacarıblar. İndiyə qədər çox maraqlı heç nə alınmırdı. Amma bundan sonra nə olacağı bir az maraqlıdır. "3D" printer ilə çap edilmiş əlin tərkibində əsl əl kimi sümüklər, bağlar və vətərlər var.

"3D" printer ilə istehsal edilən robot əl maraqlı xüsusiyyətlərə malikdir. Məsələn, bu əl reallıqda olduğu kimi hər nöqtədə eyni sərtlikdə deyil. Üstəlik, istehsal zamanı istifadə olunan polimerlər əyildikdən sonra əvvəlki formasını bərpa edə bilir.

Araşdırmanın aparıcı adı olan Thomas Buchner, bunun ənənəvi "3D" çap texnologiyaları ilə mümkün olmayacağını ifadə edib. Alimin bu qədər aydın deməsinin bəzi haqlı səbəbləri var.

Tədqiqatçılar bu əli hazırlamaq üçün xüsusi lazer texnologiyasından istifadə ediblər. Bu texnologiya çapın hər qatında lazımi yoxlamalar aparıb və daha sərt və elastik polimerlərin harada istifadə olunacağını müəyyənləşdirib. Hər bir mərhələ üçün yenidən kalibrləmə imkanı verən lazer texnologiyası mükəmmələ yaxın çapların istehsalına kömək edir.

Komanda tərəfindən edilən ən əhəmiyyətli çap əl olsa da, müxtəlif məhsullar üçün də iş görülür. Belə ki, işlənmiş texnikanın əslində bir çox sahələrdə istifadə oluna biləcəyi aydın olub. Texnikalarından son dərəcə razı qalan alimlər bundan sonra da işlərinə davam edəcəklərini və çap keyfiyyətini daha da artıracaqlarını açıqlayıblar.

Qadir, Bizimyol.info