Orqan transplantasiyası tədqiqatları bu gün çox əhəmiyyətlidir. Axı, ölən insanların orqanları başqa bir insan üçün həyata bağlanmaq mənasını verə bilər.

Bizimyol.info xəbər verir ki, indiyə qədər aparılan araşdırmalarda standartlar çox da aşılmayıb.

Məsələn, göz kimi ən vacib duyğu orqanlarımızdan biri bu günə qədər bir insandan digərinə tam olaraq köçürülməmişdir. Amma indi bir vəziyyət yaranıb ki, bu vəziyyət tezliklə dəyişə bilər. Nyu Yorkdakı "NYU Langone Health"də çalışan bir qrup alim dünyada ilk tam göz transplantasiyasını həyata keçirdiklərini açıqlayıb. Transplantasiya edilən göz hələ görmə qabiliyyətini bərpa etməsə də, əldə edilən nöqtə tibb dünyası üçün böyük uğur sayılır.

21 saat davam edən əməliyyat keçirilib

ABŞ-ın Arkanzas ştatında yaşayan xəstə bir müddət əvvəl iş qəzası keçirib. Yüksək gərginlikli elektrik cərəyanına düşən bədbəxt üzünün, ağzının və sol gözünün çox hissəsini tamamilə itirib. İlk mərhələdə qismən üz transplantasiyası həyata keçirən mütəxəssislər 21 saat davam edən əməliyyatda göz transplantasiyasına nail olublar. Əvvəllər göz transplantasiyası ümumiyyətlə buynuz qişadan ibarət idisə, bu dəfə bütün göz bəbəyi köçürülüb.

6 ay əvvəl etdikləri əməliyyatdan danışan doktor Eduardo Rodriges bu proses zamanı damarlarda və tor qişada ciddi yaxşılaşmanın olduğunu bildirib.

Əməliyyat zamanı xəstənin kök hüceyrələrini sinir nahiyəsinə yerləşdirdiklərini deyən alim görmə duyğunun bərpa olunmasa da, göz almasında yaxşılaşmanın çox vacib olduğunu bildirib.

Rodrigezin fikrincə, oftalmologiya ilə məşğul olan digər həkimlərlə əməkdaşlıq mütləq görmə qabiliyyətinin bərpasına imkan verəcək, əgər bu halda olmasa, başqa halda.

Qadir, Bizimyol.info