"Google" şirkəti "Gmail" üçün yeni dizayn funksiyasını sınaqdan keçirməyə başlayıb. Tezliklə bütün istifadəçilərə çatması gözlənilən yeni funksiya istifadəçilərə "WhatsApp" kimi funksiya təqdim edəcək.

Bizimyol.info xəbər verir ki, ABŞ-ın texnologiya nəhəngi "Google" mobil məhsul və xidmətlərdə təftiş cəhdlərini davam etdirir.

Şirkətdən gələn son xəbərlər məşhur e-poçt xidməti "Gmail"in eyni adlı mobil proqramında yeni interfeys funksiyasına sahib olacağını ortaya qoyur. Hələ sınaq mərhələsində olan yeni funksiya istifadəçinin vaxtına qənaət edəcək kimi görünür.

Hazırda Android ekosistemi üçün sınaqdan keçirilən yeni interfeys, e-poçtları oxuduğunuz ekranın sonuna cavab zonası əlavə edir. Beləcə sağda və solda “cavab ver” düyməsini axtarmağa ehtiyac qalmayacaq.

İstifadəçi e-poçtlara "WhatsApp"da mesajlaşma kimi cavab verəcək.

Ekranın aşağı hissəsində yerləşdirilən bölməyə toxunan istifadəçi istifadə etdiyi telefonun klaviatura tətbiqinə daxil olacaq və vərdiş etdiyi yazma təcrübəsini tətbiq etməyə davam edəcək. Həmçinin bu sahədə sənədlərin elektron poçta əlavə edilməsi üçün düymə olacaq. Yazı prosesini tamamlayan istifadəçi də bu bölmə vasitəsilə kontaktlar əlavə edəcək və ya başqa redaktələr edəcək.

"Google", "Gmail" üçün sınaq mərhələsinə qoyduğu funksiyanı nə vaxt işə salacağı barədə heç nə deməyib. Bu yeni funksiyanın iOS ekosisteminə gəlib-gəlməyəcəyi, əgər gəlirsə, nə vaxt olacağı da məlum deyil.

Qadir, Bizimyol.info