İlon Mask "X" əməkdaşları ilə görüş keçirib. Bu görüşün nəticəsi o oldu ki, platforma 1 il ərzində maliyyə xidmətləri göstərəcək. İlon Mask qeyri-ənənəvi sistemdən danışır.

Bizimyol.info xəbər verir ki, bir ildən artıqdır ki, İlon Maskın nəzarəti altında olan, əvvəllər "Twitter" kimi tanınan mikrobloq platforması "X" üçün yeni bir dövr başlayır. Bununla bağlı ötən gün İlon Mask və komandası mühüm toplantı keçirib.

Görüşdən sızan səs yazıları İlon Maskın "X" üçün gələcək planlarını ortaya qoydu.

Artıq bilirik ki, İlon Maskın "X" üçün əsas məqsədi “super proqram”dır. Milyarder iş adamı platformanı "WeChat"a bənzər bir şeyə çevirməyə çalışır. Bu mövzuda; Bu günə qədər edilən bəzi əsas dəyişiklikləri artıq görmüşük. Ancaq əsl dəyişiklik, deyəsən, indi başlayır.

X 2024-cü ilin sonuna qədər bank kimi xidmət göstərməyə başlayacaq!

“The Verge”nin eşitdiyi səs yazısına görə, İlon Mask platformanın maliyyə sahəsində xidmətlər göstərməsini təmin etmək istəyir. Ancaq bu vəziyyət adət etdiyimiz bank sistemindən bir az fərqli görünür. Ən azı İlon Mask normadan kənar bir şey xəyal edir. İş adamının mövzu ilə bağlı açıqlaması belədir:

"Ödəniş əməliyyatları deyəndə, əslində insanın bütün maliyyə həyatından bəhs edirəm. Pul, qiymətli kağızlar və ya nə adlanırsa. Yəni bu, dostuma 20 dollar göndərmək kimi deyil. Yəni bank hesabına ehtiyacınız olmayacaq. Gələn ilin sonuna qədər bunu işə salmasaq, ağlımı itirəcəm".

İlon Musk qərarlı olsa da, işlər o qədər də asan deyil

İlon Maskın verdiyi açıqlama diqqət çəkir. Ancaq pul söz mövzusu olanda iş bir az mürəkkəbləşir. Məsələn, İlon Mask və komandası xidmət edəcəkləri ölkələrdə, xüsusən də ABŞ-da lisenziya almalıdırlar ki, İlon Mask aylardır ABŞ-da belə buna nail ola bilmir. İnteqrasiya məsələsi də var. İlon Maskın quracağı sistemin ənənəvi maliyyə sisteminə necə inteqrasiya edəcəyi və yeni sistemin banklara olan ehtiyacı necə aradan qaldıracağı bəlli deyil. Görünür, bu məsələ 2024-cü ildə də gündəmi zəbt etməyə davam edəcək.

Qadir, Bizimyol.info