Bazar ertəsi , 22 İyul, 2019
Baş səhifə / Dünya / Xarici ölkələrdən necə vətəndaşlıq almaq olar?

Xarici ölkələrdən necə vətəndaşlıq almaq olar?

34 Views

Son illərdə pulla vətəndaşlıq almaq sistemi dünyada geniş yayılıb. Lakin ölkələr daha çox gəlir əldə etmək məqsədilə şərtləri çətinləşdiriblər. Bəzi ölkələr, sadəcə, “daşınmaz əmlak almaq”, bəziləri “investisiya”, “iş imkanı yaratma” şərti irəli sürürlər.

Sey-yah.com xəbər verir ki,Daşınmaz əmlak almaqla vətəndaşlıq sistemi 23 ölkədə tətbiq olunur. Bunların əksəriyyəti Avropa Birliyi ölkələridir.

ABŞ-da EB-5 viza proqramı

ABŞ-da əmlak alan şəxslərə daimi yaşayış və işləmək hüquq verən “green card” verilir. Müraciətlər nə qədər çox olsa da, il ərzində 10 min nəfərə bu imkan yaradılır. ABŞ-ın bu sahədə gəliri isə ildə 4 milyard dolları ötür.

Pulla vətəndaşlıq verən ölkələrin şərtlərini təqdim edirik:

Almaniya – 250 min avro dəyərində investisiya qoyuluşu və eyni zamanda, iş imkanı yaratma;

Avstriya – 6-10 milyon avro arası investisiya qoyuluşu və yaxud QHT-lərə 2 milyon avro dəyərində birdəfəlik yardım;

İngiltərə – 5 il ərzində 1 milyon sterlinq həcmində investisiya;

İrlandiya – 500 min avro miqdarında investisiya;

Portuqaliya – 500 min avroya yaşayış hüququ, 1 milyon investisiya isə vətəndaşlıq;

Albaniya – 200 min dollar dəyərində investisiya;

Makedoniya – 40 min avro dəyərində daşınmaz əmlak alana bir illik oturum izni, 400 min avro dəyərində investisiya və azı 10 nəfərə iş verən şəxsə isə vətəndaşlıq;

Bolqarıstan – 1 illik yaşayış icazəsi olan və 1,2 milyon dollar dəyərində investisiya qoyan şəxsə vətəndaşlıq verir;

Kipr Respublikası – 3 milyon avroya vətəndaşlıq verilir;

Çernoqoriya – 500 min avrodan çox investisiya qoyuluşu;

Latviya – Bölgələrdən 71 min 500, böyük şəhərlərdən isə 143 min avro həcmində mənzil alana vətəndaşlıq verilir;

Slovakiya – 1 milyon avro dəyərində investisiya;

Kanada – 400 min dollarlıq investisiya qoyuluşu və 800 min dollarlıq şəxsi bank hesabı tələb edir;

Uruqvay – İnvestisiya şərt deyil, amma aylıq 1200 dollar gəlir tələb olunur; Əvvəlcə müvəqqəti yaşayış, 3 il sonra isə vətəndaşlıq verilir;

Qvatemala – 5 il ərzində dövlət istiqrazlarına 50 min dollarlıq investisiya qoyuluşu;

Dominikan Respublikası – 100 min dollarlıq investisiya tələb olunur. Ailəli olan halda isə bu rəqəm 200 min dollara qalxır;

Honkonq – 1 milyon 260 min dollar dəyərində investisiya;

Avstraliya – 4,7 milyon dollar dəyərində investisiya.