ABŞ-da yerləşən texnologiya nəhəngi "Google" bu ilin əvvəlində “Paskeys” adlı yeni funksiyanı elan etdi.

Bizimyol.info xəbər verir ki, bu yeni funksiya istifadəçilərə "Google" hesablarına daxil olduqda parol daxil etmək üçün alternativ yol təklif etdi.

“Paskeys” funksiyasını aktivləşdirən istifadəçilər "Google" tətbiqlərinə və ya "Google" hesabından istifadə edərək vebsayta daxil olarkən parol əvəzinə barmaq izi, üz skanı və ya PİN koddan istifadə etməyi seçə bilər.

Bir müddətdir sınaq mərhələsində olan bu xüsusiyyətlə bağlı son açıqlama, bütün istifadəçilərin artıq “Paskeys” istifadə etməyə təşviq ediləcəyini ortaya qoyur.

"Google" indi bu yeni funksiyanı həm korporativ, həm də fərdi istifadəçilər üçün defolt olaraq aktivləşdirəcək. Bundan sonra istifadəçi öz "Google" hesabına daxil olmaq istəyəndə ənənəvi parol və ya iki faktorlu kodlar əvəzinə biometrik məlumatlardan və ya PİN koddan istifadə edəcək.

"Google", “Paskeys” funksiyasının daha təhlükəsiz olduğuna inanır!

Əgər Google hesabınız varsa və hesabınızı quraşdırmısınızsa və iki faktorlu autentifikasiyanı aktivləşdirmisinizsə, siz artıq hesabınız üçün əlavə təhlükəsizlik qatını tətbiq etmisiniz. "Google" deyir ki, keçid açarları bundan daha yaxşı üsuldur, çünki kiber hücumçular lazım olduqda telefondakı bütün detallara daxil ola bilir. Digər tərəfdən, keçid açarları daxil olmağa çalışdığınız zaman biometrik məlumat və ya qeydiyyatdan keçməmiş PİN kodları tələb edəcək. "Google", “Paskeys”in yüzdə 40 daha sürətli olduğunu bildirdi.

Hələ paylama mərhələsində olan yeni funksiya "Google" hesabınıza daxil olmağa çalışdığınız zaman görünə bilər. “Paskeys” haqqında bildiriş görürsünüzsə və bu funksiyadan istifadə etməyə başlamaq istəyirsinizsə, "Google"un təlimatlarına əməl etmək və seçdiyiniz təhlükəsizlik səviyyəsini aktivləşdirmək kifayətdir. Bu prosesdən sonra "Google" hesabınızı açmaq üçün paroldan istifadə etməyə ehtiyac qalmayacaq.

Bəzi proqramlarda "Google"un “Paskeys” funksiyasına bənzər xidmətləri artıq görmüşük. Keçmiş təcrübələrimiz göstərdi ki, parolları yadda saxlamaq zərurəti artıq aradan qalxıb. Əslində, "Google" məhz bunu etməyə çalışır. Bu gün rəsmi bloq səhifəsində bir yazı dərc edən şirkət, “Paskeys” kimi xüsusiyyətlər sayəsində parolların istifadəsinin tamamilə aradan qaldırılacağını və bu baş verərkən istifadəçi təhlükəsizliyinin də artırılacağını bildirib.

Qadir, Bizimyol.info