ABŞ Konqresinin Nümayəndələr Palatasının spikeri Kevin Makkarti (Kaliforniyadan olan respublikaçı) federal hökumətin maliyyələşdirilmənin genişləndirilməsi təşəbbüsü ilə Ukraynaya təxminən 6 milyard dollar yardımın daxil edilməsinə qarş çıxıb.
Bizimyol.info xəbər verir ki, günün əvvəlində ABŞ Senatındakı Demokratlar və Respublikaçılar federal hökumətin maliyyələşdirməsini noyabrın 17-dək uzatmaq üçün qanunvericilik təşəbbüsü ilə bağlı razılığa gəliblər ki, bu da Ukraynaya təxminən 6 milyard dollar yardım göstərəcək.
ABŞ-da təbii fəlakətin nəticələrinin aradan qaldırılması üçün 6 milyard dollara yaxın vəsait ayrılması təklif edilir. Sənəddə qeyri-qanuni immiqrasiyanın qarşısını almaq üçün ABŞ-Meksika sərhədində nəzarətin gücləndirilməsi tədbirləri yer almayıb. Respublikaçılar ölkənin buna ehtiyacı olduğunu bildiriblər.
“Əgər onlar cənub sərhədindən çox Ukraynaya diqqət yetirmək istəyirlərsə, düşünürəm ki, onların prioritetləri əksinədir”, - Makkarti çərşənbə axşamı mətbuat konfransında senatorların təklifi haqqında danışarkən deyib. Kiyevə yardım üçün vəsaitin ayrılması təşəbbüsünə müddəanın daxil edilməsini düzgün hesab edib-etmədiyini soruşduqda konqresmen belə cavab verib: “Bəli, yanlışdır”.
Nümayəndələr Palatasının sədri bildirib ki, o, əvvəllər müxtəlif təbii fəlakətlər və və bağaqa hadisələr nəticəsində ciddi ziyan dəymiş bəzi Amerika ştatlarında olub. O qeyd edib ki, bu ştatların sakinlərinin köməyə ehtiyacı var. “Düdcə sənədində görünür ki, Hakimiyyət Ukraynanı amerikalılardan üstün tutur”, - deyə o, respublikaçı senatorların təklifi barədə danışarkən vurğulayıb.
"Niyə biz burada sərhəd və fövqəladə vəziyyətlərlə məşğul ola bilmirik?", - deyə Makkarti əlavə edib. Kiyevə yardım üçün vəsaitin ayrılmasından danışarkən o qeyd edib: "Niyə bu, sərhəddə baş verənlərdən daha prioritet məsələdir?"
Avqustun 10-da Vaşinqton administrasiyası Konqresdən müzakirəsi sentyabrın 30-da başa çatacaq 2023-cü maliyyə ilində federal büdcədən Kiyevə təcili hərbi yardım üçün 13 milyard dollar, Ukraynaya və iqtisadiyyat və təhlükəsizlik sahəsində digər ölkələrə yardım üçün 8,5 milyard dollar tələb edib.
Qadir, Bizimyol.info
