"ABŞ qanunları aparıcı lobbi təşkilatının xarici hökumətin devrilməsini və bu məqsədlə silahlı qüvvədən istifadəni potensial olaraq dəstəkləyən fəaliyyətlərdə iştirak etməsinə icazə verirmi?"

Bizimyol.info xəbər verir ki, ABŞ Dövlət Departamentinin sözçüsü Metyu Miller mətbuat konfransında türkiyə mətbuatının bu sualına cavab verməli olub.

Sözügedən sosial media paylaşımını görmədiyini bildirən Miller, bunu ilk dəfə eşitdiyi üçün xəbərsiz olduğu mövzuya şərh verməkdən həmişə çəkindiyini qeyd edib.

Miller məsələnin nə olduğunu “tam” başa düşməsi lazım olduğunu vurğulasa da: “Amma ümumilikdə deyə bilərəm ki, biz həmişə dövlət rəsmilərinə qarşı təhdidləri və ya qanuni yolla seçilmiş hökumətləri devirmək cəhdini pisləmişik”, - deyib.

Amerika Erməni Milli Komitəsinin (ANCA) Vaşinqton direktoru Aram Suren Hamparyan "Facebook" sosial media platformasındakı paylaşımında: “İllər sonra doğmamış uşaqlar nənə və babalarından soruşacaqlar: "Babiq, Qarabağa hücum edəndə nə etdin? "Vətənimizi (işğal edilərək düzəldilmiş qondarma - Q.) müdafiə etdin? Xalqımızı müdafiə etdin? “Bu gün möhkəm bonuslar toplayan bir çox polis məmurları utanaraq qarşılarına baxıb mızıldanacaq və ya yalanı etiraf edəcəklər: “Mən Nikol Paşinyanı öz xalqına qarşı müdafiə etmişəm”, - deyə yazıb.

Hamparyan başqa bir yazısında Paşinyanın mühafizəçilərini “cüzdanlarını düşünməkdənsə, onların ürəyinə qulaq asaraq hərəkət etməyə” çağırıb və deyib: “Paşinyanı müdafiə edən erməninin maaşından daha çox ruhuna dəyər verdiyi düşün”, - deyə açıqlamalarını paylaşıb.

Hamparyanın paylaşımları əksər sosial şəbəkə istifadəçiləri tərəfindən “sui-qəsd çağırışı” kimi şərh edilib. Ötən gecə Ermənistanda hakimiyyəti zorla ələ keçirməyə cəhd, baş nazirə və hökumət üzvlərinə sui-qəsd törətmək iddiası ilə 8 nəfər saxlanılıb.

ANCA ABŞ-da 1915-ci il hadisələri ilə bağlı erməni iddialarının rəsmi şəkildə tanınması və mümkünsə Türkiyəyə qarşı sanksiyaların tətbiqi kimi səyləri həyata keçirən Türkiyə əleyhinə təşkilatların başında dayanır. Məlumdur ki, ANCA sadəcə lobbi təşkilatı deyil, həm də erməni terror təşkilatlarına və terrorçularına, xüsusən də ABŞ-da fəaliyyət göstərənlərə dəstək verir.

1970-ci illərdən təşkilata bağlı olan Murad Topalyan 1999-cu ildə ANCA prezidenti vəzifəsini icra edərkən “terrorçuluq” ittihamı ilə həbs edilib və məhkəmənin hökmü ilə həbsə məhkum edilib.

Bu arada ANCA yaxın tarixdə erməni terror təşkilatlarına dəstəyini davam etdirib. ANCA 1982-ci ildə Los-Ancelesin baş konsulu Kamal Arıkanı şəhid edən erməni terrorçu Hampiq Sasunyanı azad etmək üçün çox səy göstərib. Kaliforniya qubernatoru Gavin Nevsom Sasunyanı 2021-ci il martın 10-da azad etmək qərarı barədə birbaşa olaraq ANCA-ya məlumat verib.

ANCA Qərb Sahilinin prezidenti Nora Hovsepyan bu qərarla bağlı açıqlamasında: "Qərara görə qubernator Nevsoma minnətdarıq", - deyib.

Qadir, Bizimyol.info