İtalyan mafiozu, Cosa Nostra qrupunun liderlərindən biri Messina Denaro uzun sürən xəstəlikdən sonra İtaliyanın L'Aquila şəhərindəki həbsxanada 63 yaşında vəfat edib.

Bizimyol.info xəbər verir ki, bu barədə "ANSA" məlumat yayıb.

Nəşrin yazdığına görə, Denaro 2020-ci ilin sonunda ona xərçənginin ağır forması diaqnozu qoyulub. "Həmin ilin yanvarında tutularaq həbsxanaya salındıqdan sonra o, həbsxana xəstəxanasında müalicə alıb və iki dəfə əməliyyat olunub. Cümə günü mafiya "atası" sonrakı müalicə və qidalanmadan imtina edib",- deyə agentlik bildirib.

Denaro 1993-cü ilin yayından bəri təxminən 30 il qaçaq olub. Agentliyin məlumatına görə, Denaro Palermodakı Maddalena özəl klinikasında saxlanılıb.

"Sky TG24" telekanalının məlumatına görə, o, xəstəlik aşkarlanandan sonra könüllü təslim olub. Bir il klinikada müalicə alıb. Demək olar ki, həmişə mafiya başçıları öz ərazilərində gizli bunkerlərdə aşkar edilirdilər. Əvvəllər xəstəxanalarda həbs halları olub. Denaro ilə bağlı çətinlik o idi ki, onun necə göründüyü bilinməyib və buna görə də həbs etmək çətinləşib.

Əvvəllər o, Siciliya, Roma, Milan və Florensiyada qətllər törətməkdə və terror aktları təşkil etməkdə ittiham olunaraq ömürlük həbs cəzasına məhkum edilib ki, bu da mafiyanın hakimiyyətə təzyiq göstərmək və qorxutmaq üçün əl atdığı vasitədir. 2020-ci ildə Siciliya adasındakı Kaltanissetta şəhərinin məhkəməsi Denaronun 1992-ci ildə hakimlər Covanni Falkon və Paolo Borsellinonun qətlinin təşkilində əli olduğunu müəyyən edib.

İstintaq orqanları onun 2007-ci ildə əvvəlki patron Salvatore Lo Pikkolonun həbsindən sonra Siciliya mafiyasına rəhbərlik etdiyini güman ediblər. O, 40 ildən çox qaçaq olaraq 2006-cı ildə həbs edilən "bossların bossu" Bernardo Provenzanodan sonra cəmi bir il mafiya qrupunun başında idi. Ömürlük həbs cəzası alan Provenzano 2016-cı ildə 83 yaşında həbsxanada vəfat edib.

Bu illər ərzində polis Denaronun çevrəsindən olan insanları həbs edib. Hüquq-mühafizə orqanları ilə əməkdaşlıq edən bəzi tövbə edən mafiozlar Denaronun Cosa Nostra mafiyasına rəhbərlik edə biləcəyini inkar ediblər, çünki o, Trapani klanı təmsil edir və ənənəvi olaraq “xaç ataları” Korleonedəndir.

İtaliyanın baş naziri Giorgia Meloni Denaronun həbsini “dövlətin böyük qələbəsi” adlandırıb.

Qadir, Bizimyol.info