Milyonlarla insanın əziyyət çəkdiyi və beyin hüceyrələrinin zamanla öz funksiyalarını itirməsinə, nəticədə yaddaş itkisinə, demensiyaya və idrak funksiyalarının azalmasına səbəb olan Alzheimer xəstəliyinin hazırda qəti bir müalicəsi yoxdur.
Bizimyol.info Türkiyə mətbuatına istinadən xəbər verir ki, bununla belə, alimlərin araşdırmaları göstərir ki, onlar xəstəliyin gedişatını ləngidə bilən addımlar atırlar.
Hal-hazırda mövcud olan Alzheimer dərmanlarının xüsusiyyəti xəstəliyin əlamətləri göründükdən sonra qəbul edildikdə təsirli olmasıdır. Təəssüf ki, hazırda mövcud olan Alzheimer diaqnostik üsulları xəstəliyin gedişatına böyük təsir göstərmir.
Alimlər tərəfindən aparılan tədqiqatlar xəstələr və onların yaxınları üçün perspektivli inkişaf yolundadır. Xəstəliyin simptomları onun başlamasından 20 il əvvəl aşkar edilə bilər. Xəstəliyi bu qədər erkən aşkarlaya bilmək müalicə prosesində böyük rol oynaya bilər. Amerikada aparılan tədqiqatlar sayəsində indi bu xəstəliyə diaqnoz qoya bilən qan testi dəstləri hazırlanır.
Dünyada təxminən 55 milyon Alzheimer xəstəsi var.
Hal-hazırda mövcud olan qan testləri beynin xaricində toplanan Amiloid-beta 42 və Amiloid-beta 40 adlı iki növ zülalları ölçür. Sonra bu iki zülal arasındakı nisbət ölçülür. Bu nisbət nə qədər aşağı olsa, bir insanın xəstəliyə tutulma ehtimalı bir o qədər yüksəkdir.
"PrecivityAD" şirkəti tərəfindən hazırlanmış bu test dəsti ABŞ-da həkimlər tərəfindən Alzheimer simptomları göstərən insanlarda istifadə üçün təsdiqlənib və Avropa Birliyi bu test dəstinin təhlükəsiz olduğunu bəyan edib.
Bəs bu test dəstlərindən necə istifadə etmək olar?
Xəstəliyin əlamətləri olan xəstələrdə həkimlər qan nümunəsini "PrecivityAD" şirkətinə göndərirlər. Sonra bu qan nümunəsinin amiloid-beta nisbətini ölçür. Daha sonra şirkətin diaqnoz üçün qurduğu alqoritm testin biomarker səviyyələrini ölçməklə və xəstənin yaşını nəzərə alaraq nəticə əldə edir. Bu nəticələrin bal sistemi var. Testin nəticəsi yüksək bal göstərirsə, xəstənin Alzheimer riski də yüksəkdir.
"PrecivityAD" testi bir neçə tədqiqatda istifadə edilir və xəstəliyin simptomları ilə çox güclü əlaqə tapır. Ancaq tapıntılar xəstəliyin yüz faizlə aşkar oluna biləcəyi demək deyil.
Bu testlər bizə xəstəliyə yoluxma riski barədə ilkin məlumat versə də, mütəxəssis həkimlərin diaqnoz və müalicələri qədər güclü təsir göstərmir. Ancaq belə bir testin inkişafı belə xəstəliyin erkən diaqnostikasında böyük əhəmiyyət kəsb edir.
Bizimyol.info
