Azərbaycanın erməni işğalından azad etdiyi Qarabağda atəşkəs rejiminin icrasına nəzarət və monitorinq etmək məqsədilə yaradılmış Türkiyə-Rusiya Birgə Mərkəzi öz işini davam etdirir.

Bizimyol.info xəbər verir ki, 30 yanvar 2021-ci il tarixindən fəaliyyətə başlayan Mərkəz Türkiyə və Rusiya nümayəndə heyətləri tərəfindən hazırlanmış vəzifə və öhdəliklər haqqında əsasnaməyə uyğun olaraq fəaliyyətini davam etdirir.

Bölgədə sülh və əmin-amanlığın bərqərar olması istiqamətində fəaliyyət göstərən Mərkəz öz kəşfiyyat və müşahidə texnikası, o cümlədən PUA-ları ilə pozuntuları aşkar edir, hər iki tərəfdən gələn pozuntu bildirişlərini izləyir. Mərkəzdə görülən işlərlə bağlı zəruri tədbirlər görüldükcə, pozuntular da qeydə alınır.

Bu çərçivədə Türkiyə-Rusiya Birgə Mərkəzi tərəfindən 30 yanvar 2021-ci il tarixinə Ermənistan tərəfindən 258 atəşkəs pozuntusu müəyyən edilib. Bu pozuntular barədə Azərbaycan Türkiyə Birləşmiş Mərkəzi Komandanlığı məlumat yayıb.

Qeyd edək ki, Azərbaycan ordusunun 2020-ci il sentyabrın 27-də başlatdığı “Bir Vətən əməliyyatı” ilə Ermənistanın işğalı altında olan 5 şəhər mərkəzini azad etdikdən sonra noyabrın 10-da Ermənistan məğlubiyyəti qəbul edərək, işğal etdiyi Ağdam, Laçın və Kəlbəcər rayonlarının boşaldılmasını vəd edən bəyannamə imzalayıb. Bəyannamədə tərəflərin atəşkəs rejiminə əməl etməsinə nəzarətin səmərəliliyini artırmaq məqsədilə müşahidə mərkəzinin yaradılması qərara alınıb. Türkiyə-Rusiya Birgə Mərkəzi ilə bağlı anlaşma memorandumu Türkiyə və Rusiya müdafiə nazirləri tərəfindən imzalanıb və Mərkəz 30 yanvar 2021-ci il tarixində keçirilən mərasimlə fəaliyyətə başlayıb.

Qadir, Bizimyol.info