Çərşənbə axşamı, sentyabrın 19-da Almaniyada Ukraynanın müdafiəsi üzrə Təmas Qrupunun Ramşteyn formatında 15-ci iclası başlayıb.

Bizimyol.info xəbər verir ki, tədbiri Pentaqonun rəhbəri Lloyd Ostin açıb.

O, yaxın vaxtlarda Amerikanın “Abrams” tanklarının Ukraynaya çatdırılacağını bəyan edib. O, həmçinin qeyd edib ki, ABŞ-ın Ukraynaya hərbi yardıma verdiyi töhfə “güclü olub və belə də qalır”.

“Buna görə də biz Ukraynaya göstərdiyimiz bütün yardımların səmərəli və düzgün istifadə olunmasını təmin etmək üçün ukraynalı tərəfdaşlarla sıx əməkdaşlıq edəcəyik. Söhbət Ukraynada döyüş meydanında olmaq üzrə olan “Abrams” tanklarından gedir”, - deyə Ostin qeyd edib.

Bildiyiniz kimi, bu, Rustem Umerovun Ukraynanın müdafiə naziri kimi Ramşteyn formatında ilk görüşüdür. Bu formatda əvvəlki görüş iyulun 18-də baş tutub.

Xatırladaq ki, ABŞ Ukraynaya 31 “Abrams” tankını təhvil verəcəyini vəd etmişdi. Əvvəlcə Vaşinqton "M1A2" versiyasının təhvil verildiyini elan edib, lakin sonradan çatdırılma müddətlərinin uzun olması səbəbindən "M1A1" versiyasını təqdim etmək istədiklərini bildiriblər.

Mart ayında Pentaqon nümayəndələri tankların təhvil verilməsini 2023-cü ilin payızına qədər başa çatdırmaq istədiklərini bildirdilər. Ukraynanın keçmiş müdafiə naziri Aleksey Reznikov tezliklə Amerikanın "Abrams" tanklarının Ukrayna Silahlı Qüvvələrinin əks-hücumunda iştirak etməyəcəyini açıqlamışdı.

İyulda məlum olub ki, Pentaqondakı mənbələrə görə, Almaniyadakı bazada Amerikanın "Abrams" tanklarını idarə etmək üçün təlim keçən Ukrayna Silahlı Qüvvələrinin şəxsi heyəti cəmi bir neçə həftə ərzində döyüşə hazır ola bilər.

Qadir, Bizimyol.info