Sahibkar Elon Mask Twitter-i əldə etdiyi vaxtda SpaceX-dən 1 milyard dollar borc alıb.

Bizimyol.info xəbər verir ki, bu barədə "The Wall Street Journal" qəzetinin materialında deyilir.

"Bu qeyri-adi kredit dünyanın ən varlı adamının səhmləri ilə daimi olaraq ayrılmadan öz biznes imperiyasından vəsait almasının ən son nümunəsidir ki, bu da ona öz səylərinin geniş spektri üçün vəsait toplamağa imkan verir", - məqalədə deyilir.

Nəşrin yazdığına görə, "SpaceX" öz baş direktoruna onun şirkətdəki səhmlərinin bir hissəsi ilə təmin edilmiş krediti təsdiqləyib.

"Eyni ay Musk bütün məbləği geri qaytarıb. Bu krediti niyə götürdüyünü öyrənmək mümkün olmayıb. O, pulu götürdükdən qısa müddət sonra krediti qaytarıb və noyabrda 1 milyard dolları faizlə "SpaceX"ə ödəyib”.

- deyə məqalədə qeyd edilir.

Qadir, Bizimyol.info