Ermənistanın baş naziri Aşot Paşinyanın oğlunun oğurlanması ilə bağlı ayrıca hissə ayrılıb ki, bu da hadisə baş verən gün məhkəmə binasında olan digər ölən əsgərlərin valideynlərinə aiddir.

Bizimyol.info xəbər verir ki, bu barədə Sputnik Ermənistan-a təqsirləndirilən şəxs Qayane Akopyanın vəkili Hovsep Sarkisyan məlumat verib. Onun sözlərinə görə, o, vəkil kimi prosesdə iştirak etmədiyi üçün istintaqın bu istiqamətdə atdığı addımlardan xəbərsizdir.

"Biz bununla bağlı müvafiq qərar almışıq. Bildiyimə görə, heç bir ittiham yoxdur və ola da bilməz", - deyə Sarkisyan bildirib.

Vəkilin sözlərinə görə, o, nə baş verdiyini anlamır. Hüquq-mühafizə orqanlarının əməkdaşlarının bu işdə canfəşanlığı bir çox başqa problemlər fonunda ona gülünc görünür. Bu kontekstdə o, bir ton kokainin aşkar edilməsi ilə bağlı işi misal çəkib.

“Mənim 52 yaşım var, 30 ildir ki, üçüncü respublikanın dövlət quruculuğuna töhfə vermişəm, amma belə bir şey görməmişəm. Çay stəkanında fırtına qopardılar, indi də ikinci tufanı qaldırmağa başlayırlar”,- deyə vəkil bildirib.

Onu da əlavə edək ki, cinayət işinin bir hissəsinin ayrılması barədə məlumat hüquq-mühafizə orqanları tərəfindən təsdiqlənib.

Xatırladaq ki, mayın 17-də İstintaq Komitəsi Ermənistanın baş naziri Nikol Paşinyanın oğlu Aşot Paşinyanın, ölən əsgər Jora Martirosyanın anası Qayanın ifadəsi əsasında “adam oğurluğu” maddəsi ilə cinayət işi açdıqdan sonra Akopyan (pasportuna görə Azquş Martirosyan) saxlanılıb. O, Aşot Paşinyanın oğurlanmasını təşkil etməkdə ittiham olunub.

Müstəntiqlərin fikrincə, “Oğulların Zəngi” təşkilatının üzvləri kiçik Paşinyanı maşınlarına minməyə məcbur ediblər, lakin o, tullana bilib və onu başqa maşın vurub.

“Oğulların Zəngi” təşkilatı isə adam oğurluğu ittihamını rədd edib. Onların sözlərinə görə, kiçik Paşinyan könüllü olaraq, ölən əsgərin anasının maşınına minib və İrəvandakı Yerablur hərbi qəbiristanlığına getməyə razılaşıb, lakin yolda maşından düşüb.

Leyla Mirzə