Yeni prezidentlik müddətinə yenidən seçilən Rəcəb Tayyib Ərdoğan iyunun 2-də yeni parlament deputatlarının and içməsindən dərhal sonra Türkiyə hökumətinin tərkibini açıqlaya bilər.

Bizimyol.info xəbər verir ki, bu barədə çərşənbə günü "TRT" telekanalı Türkiyə liderinin administrasiyasındakı mənbələrə istinadən məlumat yayıb.

Daha əvvəl “Hürriyet” qəzeti hökumətdəki mənbələrə istinadən xəbər vermişdi ki, Ərdoğan iyunun 3-də yeni Nazirlər Kabinetinin tərkibini aşıqlamağı planlaşdırır. Qəzetin yazdığı kimi, hökumət demək olar ki, tamamilə yenilənəcək, lakin xarici işlər və müdafiə nazirləri Mövlud Çavuşoğlu və Hulusi Akar bu qurumdakı vəzifələrini qoruya bilərlər.

Türkiyə Milli Kəşfiyyat Təşkilatının rəhbəri Hakan Fidan ölkənin təhlükəsizlik məsələləri üzrə vitse-prezidenti postunu tuta bilər. Prezidentin rəsmi nümayəndəsi İbrahim Kalın da vəzifəsi göstərilməsə də hökumətə daxil ola bilər.

Qəzet iqtisadi bloka rəhbərlik edəcək keçmiş baş nazirin müavini və maliyyə naziri Mehmet Şimşəkin Nazirlər Kabinetinə planlaşdırılan təyinatından da xəbər verir.

Mayın 14-də keçirilən seçkilərdən sonra Türkiyənin hazırkı hökumətinin demək olar ki, bütün nazirləri parlamentə üzv seçilib.

Qadir, Bizimyol.info