“Novaya qazeta”ya müsahibəsində Mərkəzi Asiya üzrə ekspert Arkadi Dubnov ER baş naziri Nikol Paşinyanın Qarabağı Azərbaycanın tərkib hissəsi kimi tanımağa hazır olması barədə bəyanatını şərh edib.
"Paşinyan bu bəyanatı kifayət qədər rəsmi şəkildə bildirib, parlamentdə səslənib. Və bundan əvvəl mayın 25-də Moskvada Azərbaycan prezidenti İlham Əliyev və Rusiya prezidenti Vladimir Putinlə keçiriləcək görüş olub. Paşinyanın razılığa gəlməyə hazır olduğu barədə bəyanat, Qarabağın Azərbaycanın tərkibind qalacağı sülh müqaviləsinin imzalanması bu sazişin istinad nöqtələrindən biridir, ona görə də o, Moskva görüşündən əvvəl bunu təsdiq etməli idi”,- deyə Dubnov bildirib.
O, qeyd edib ki, Paşinyanın bəyanatı ilə bağlı yaranan ajiotajı əslində başa düşmür.
"Prosesi izləyənlər üçün burada artıq sensasiyalı heç nə yoxdur. Hesab edirəm ki, bunda maraqlı olanlar Paşinyanın sözləri ilə ona qarşı kəskin hücuma keçmək, onu dövlətin maraqlarının xaini adlandırmaq imkanı verənlərdir”,- deyə o, əlavə edib.
Ekspert eyni zamanda qeyd edib ki, Paşinyanı hakimiyyətdən uzaqlaşdıracaq qüvvələr Azərbaycanla Paşinyanın hazırladığı sülh sazişinin mahiyyətinə alternativ təklif etmək iqtidarında deyil.
"Ona görə də Paşinyanı yıxmaq üçün əvvəlki cəhdlər uğurlu alınmadı. Bəli, aydındır ki, insanlar müharibədən, onun yenidən başlanmasının daima asılan Domokl qılıncından yorulublar. Azərbaycan isə hər zaman nümayiş etdirir ki, müharibəyə nə vaxtsa başlamağa hazırdır”,- deyə Dubnov bildirib.
Ekspert bildirib ki, İrəvanı sülh müqaviləsi imzalamağa vadar edən əsas stimul “ölkə ərazisinin Azərbaycan tərəfindən ilhaqı cəhdlərindən qorumaq” istəyidir.
"Bunu Ermənistan rəhbərləri də təsdiqləyir. Yəni Bakının verməyə borclu olduğu toxunulmazlığa dair ciddi təminatlar olmalıdır. Bu, Bakıdır, bəzi xarici sponsorlar və ya digər strukturlar deyil. Xarici sponsorlardan və Ermənistanın müttəfiqlərindən asılı olmayaraq son illərdə Bakının toxunulmazlığının təminatı ilə bağlı bu müddəa İrəvanın fikrincə, sülh sazişinin elementlərindən biri olmalıdır”,- deyə o, vurğulayıb.
Leyla Mirzə
