Mayın 25 də axşam saatlarında qərb istiqamətində yağan güclü leysan yağışlar nəticəsində Göygöl rayonunun Kərəmli, Topalhəsənli, Şəhriyar və Zurnabat kəndlərində sel sularının səviyəsi artıb.

Bizimyol.info xəbər verir ki, DİN-in Mətbuat Xidmətinverilən məlumata görə, rayon ərazisində selin apardığı 2 nəfərin meyiti tapılıb.

Göygöl Rayon Polis Şöbəsinin əməkdaşları tərəfindən təbii fəlakət nəticəsində Gəncə çayında baş vermiş sel axınına düşərək itkin düşmüş 1954-cü il təvəllüdlü Muxtar Hüseynov və 2001-ci il təvəllüdlü İbrahim Qurbanovun axtarışları davam etdirilir.

Məlumatda bildirilir ki, səhər saatlarında Gəncə çayının Gəncə şəhərindən keçən hissəsində hər 2 şəxsin meyitinin tapılması barədə Gəncə Şəhər Baş Polis İdarəsinə və Göygöl Rayon Polis Şöbəsinə məlumat daxil olub:

"Dərhal polis əməkdaşları hadisə yerinə gələrək hər iki şəxsin meyitini çıxaraq müvafiq ekspertizaya təqdim edilib. Araşdırmalar davam etdirilir".