Bizimyol.info xəbər verir ki, bu barədə Yaponiya Xarici İşlər Nazirliyi məlumat yayıb.
Ümumilikdə, 24 fiziki şəxs və 78 təşkilat Yaponiyada aşkar edilərsə, aktivlərinin dondurulmasını nəzərdə tutan sanksiya siyahılarına daxil edilib. Şəxslər arasında jurnalist Olqa Skabeyeva, “Sparta” batalyonunun komandiri Artyom Coqa, “Almaz-Antey” konserninin baş direktoru Yan Novikov da var.
Rusiya Silahlı Qüvvələrinin komandanlığının nümayəndələrinə, xüsusən də Rusiya Hərbi Hava Desant Qüvvələrinin komandanı, general-polkovnik Mixail Teplinskiyə və Strateji Raket Qüvvələrinin komandanı general-polkovnik Sergey Karakayevə qarşı da sanksiyalar tətbiq edilib. Bundan əlavə, şəxsi sanksiyalar Donnesk, Luqansk, Zaporojye və Xerson vilayətlərinin bir neçə məmuruna, prokuroruna tətbiq edilib. Yaponiya hakimiyyəti bu ərazilərin Rusiya Federasiyasına daxil olmasını tanımadıqları üçün onları ayrıca siyahıya salıb.
Sanksiya siyahısına daxil edilən təşkilatlar arasında Milli Rifah Fondu, Moskva Fizika-Texnika İnstitutu, Qorki Avtomobil Zavodu, Mərkəzi Elmi-Tədqiqat İnstitutu Elektropribor, Enix ASC və Mərkəzi Elmi-Tədqiqat İnstitutu Burevestnik, AES "Elektronstandart, Ural Mülki Aviasiya Zavodu, Ryazan Metal-Keramika Alətləri Zavodu var. Aktivlərin aşkar ediləcəyi təqdirdə dondurulması ilə yanaşı, sanksiyalar bu təşkilatlarla hər hansı maliyyə əməliyyatlarına qadağa qoyulmasını nəzərdə tutur.
Yaponiya həmçinin iyunun 2-dən Rusiya Federasiyasının Hərbi və Texniki Əməkdaşlıq üzrə Federal Xidməti, Qabaqcıl Araşdırmalar Fondu, S.A.Lavoçkin adına NPO, "Kamaz" PJSC, Megafon, "Skolkovo" Fondu və "Skoltech" də daxil olmaqla, 80 Rusiya təşkilatına ixrac məhdudiyyətləri tətbiq etmək qərarına gəlib. Onlardan əlavə siyahıya “TsNIItoçmaş” ASC, V.P.Makeev adına Dövlət Raket Mərkəzi, “Kristall” Dövlət Elmi-Tədqiqat İnstitutu, M.V.Keldış adına Tətbiqi Riyaziyyat İnstitutu, V.P.Çkalov adına Dövlət Uçuş Test Mərkəzi, eləcə də bir neçə elmi-tədqiqat institutları və sənaye müəssisələri. Ümumilikdə, hazırda 437 Rusiya təşkilatına ixrac məhdudiyyəti qoyulub.
Nazirlər Kabinetinin baş katibi Hirokazu Matsunonun cümə günü mətbuat konfransı zamanı deyib ki, Yaponiya da yeni sanksiyalar paketi çərçivəsində Rusiya Federasiyasına tikinti və mühəndislik xidmətlərinin göstərilməsini qadağan edəcək. Bundan əlavə, hakimiyyət "Rusiya Federasiyasının sənaye bazasının möhkəmləndirilməsinə xidmət edən" malların ixracına qadağa qoyacaq, lakin onların siyahısı Nazirlər Kabineti tərəfindən daha sonra müəyyən ediləcək.
Yaponiyanın Ukraynadakı vəziyyətə görə bir neçə mərhələdə tətbiq etdiyi sanksiyalar artıq Rusiyadan olan 1000-ə yaxın insan və 100-ə yaxın təşkilatı əhatə edir. Bundan başqa, “Alfa-Bank”, “VTB”, “VEB.RF”, “Novikombank”, “Otkritie Bank”, “Promsvyazbank”, “Rossiya Bank”, “Sberbank”, “Sovcombank”, həmçinin 40-a yaxın digər təşkilat və şirkətlərin aktivləri dondurulub. Həmçinin, Yaponiya artıq 800-ə yaxın adda olan ixracı qadağan edilən mal və texnologiyaların siyahısını təsdiqləyib.
Qadir, Bizimyol.info
